ഹിന്ദുക്കളും മുസ്ലീങ്ങളും ഒരുമിച്ച് പ്രാര്‍ത്ഥിക്കുന്ന ഇടം

ആള്‍വാര്‍: പെഹ്‍ലു ഖാന്‍ എന്ന വ്യക്തിയെ ഗോസംരക്ഷണ പ്രവര്‍ത്തകര്‍ തല്ലിക്കൊന്നത് രാജസ്ഥാനിലെ ആള്‍വാറില്‍ ചെറിതോതില്‍ വര്‍ഗീയ സംഘര്‍ഷത്തിന് കാരണമായിരുന്നു. എന്നാല്‍ ഇതില്‍നിന്ന് വ്യത്യസ്തമായ കഥയാണ് ആള്‍വാറിലെ സയ്യിദ് ദര്‍ബാറിനും സങ്കട് മോചന്‍ വീര്‍ ഹനുമാന്‍ മന്ദിറിനും പറയാനുള്ളത്.

വര്‍ഷങ്ങളായി ഹിന്ദുക്കളും മുസ്ലീങ്ങളും ഒരുമിച്ച പ്രാര്‍ഥിക്കുന്ന ഇടമാണിത്. രണ്ട് ആരാധനാലയങ്ങളെയും വേര്‍തിരിക്കുന്ന മതില്‍പോലും ഇവിടെയില്ല. വ്യാഴാഴ്‍‍ചകളില്‍ ക്ഷേത്രത്തിലെ ഭജനക്ക് ഉപയോഗിക്കുന്ന അതേ മൈക്കും ഉച്ചഭാഷിണിയും ദോലകും ഹാര്‍മോണിയവുമെല്ലാം ഉപയോഗിച്ചാണ് ഖവാലികള്‍ പാടുന്നത്.

കാവി, പച്ച നിറത്തിലുള്ള കൊടികള്‍ നാട്ടിയ ഇവിടെ 30 മീറ്റര്‍ ഉയരത്തിലുള്ള ഒരു ത്രിവര്‍ണപതാകയും നാട്ടിയിട്ടുണ്ട്. ക്ഷേത്രത്തിന്‍റെ ഗെയിറ്റിലൂടെ അകത്ത് കടക്കുന്ന വിശ്വാസികള്‍ ആദ്യം ക്ഷേത്രത്തില്‍ തൊഴുത ശേഷം ദര്‍ഗയിലും പ്രാര്‍ഥിച്ചാണ് മടങ്ങുക.

Where Hindus and Muslims offer prayers under same roof

Rajasthan's Alwar district has an integrated shrine of Sayyed Darbar and Sankat Mochan Vir Hanuman Mandir atop the Moti Doongri Hill.