'വിജയം പാകിസ്ഥാനില്‍ പോയി ആഘോഷിക്കൂ': ഉമര്‍ ഫാറൂഖിനോട് ഗംഭീര്‍

ന്യൂഡല്‍ഹി: ഇന്ത്യയെ തോല്‍പ്പിച്ച് ചാമ്പ്യന്‍സ് ട്രോഫി നേടിയ പാകിസ്ഥാനെ പ്രശംസിച്ച കശ്‍മീര്‍ വിഘടനവാദി നേതാവ് മിര്‍വൈസ് ഉമര്‍ ഫാറൂഖിന് ചുട്ട മറുപടിയുമായി ഇന്ത്യന്‍ ക്രിക്കറ്റ് താരം ഗൗതം ഗംഭീര്‍. പാകിസ്ഥാനില്‍പ്പോയി വിജയം ആഘോഷിക്കാനാണ് ഗംഭീര്‍ ഫാറൂഖിനോട് ആവശ്യപ്പെട്ടത്.

"എല്ലായിടത്തും പടക്കംപൊട്ടുന്നു. ഈദ് നേരത്തെ എത്തിയപോലെ തോന്നുന്നു. മികച്ച ടീം തന്നെ വിജയിച്ചു. പാകിസ്ഥാന്‍ ടീമിന് അഭിനന്ദനങ്ങള്‍," എന്നായിരുന്നു ഉമര്‍ ഫാറൂഖിന്‍റെ ട്വീറ്റ്. "ഒരു നിര്‍ദേശമുണ്ട് ഉമര്‍ ഫാറൂഖ്. താങ്കള്‍ എന്തുകൊണ്ട് അതിര്‍ത്തി കടക്കുന്നില്ല. അവിടെ കൂടുതല്‍ നല്ല പടക്കം പൊട്ടുന്നതും (ചൈനീസ്) ഈദ് ആഘോഷവും അവിടെ കാണാം. പായ്ക്ക് ചെയ്യാന്‍ ഞാന്‍ സഹായിക്കാം," എന്നായിരുന്നു ഗംഭീറിന്‍റെ മറുപടി.

ഇംഗ്ലണ്ടിനെ തോല്‍പ്പിച്ച് പാകിസ്ഥാന്‍ ചാമ്പ്യന്‍സ് ട്രോഫിയുടെ ഫൈനലില്‍ എത്തിയപ്പോളും ഫാറൂഖ് ടീമിനെ അഭിനന്ദിച്ച് ട്വീറ്റ് ചെയ്‍തിരുന്നു. സൈന്യത്തിന് അനുകൂലമായ തന്‍റെ നിലപാട് നേരത്തേ വ്യക്തമാക്കിയിട്ടുള്ള വ്യക്തിയാണ് ഗംഭീര്‍. സൈനികര്‍ക്ക് ലഭിക്കുന്ന ഓരോ മര്‍ദ്ദനത്തിനും പകരമായി 100 ജിഹാദികളുടെ തലയെടുക്കണമെന്നായിരുന്നു ഗംഭീറിന്‍റെ ട്വീറ്റ്.

Why don't you go celebrate in Pakistan: Gautam Gambhir to Hurriyat's Mirwaiz Umar Farooq

Cricketer Gautam Gambhir has in a tweet asked a Kashmiri separatist to celebrate Pakistan's win in the Champions Trophy+ in Pakistan rather than in Kashmir.