പാര്‍ലമെന്റ് ശീതകാല സമ്മേളനം ഡിസംബര്‍ 15 മുതല്‍

ന്യൂഡല്‍ഹി: പാര്‍ലമെന്‍റ് ശീതകാല സമ്മേളനം ഡിസംബര്‍ 15 മുതല്‍ ജനുവരി അഞ്ചു വരെ ചേര്‍ന്നേക്കുമെന്ന് സൂചന. ശീതകാല സമ്മേളനം ചേരാന്‍ സര്‍ക്കാര്‍ വൈകിക്കുന്നുവെന്ന് ആരോപിച്ച് പ്രതിപക്ഷ പാര്‍ട്ടികള്‍ രൂക്ഷ വിമര്‍ശനവുമായി രംഗത്തെത്തിയതിന്‍റെ പിന്നാലെയാണ് സമ്മേളനം അടുത്ത മാസം 15 നു ആരംഭിക്കാനുളള തീരുമാനം.

ജി എസ്ടി , റഫേല്‍ കരാര്‍, അമിത് ഷായുടെ മകനെതിരായ ആരോപണം , നോട്ട് അസാധുവാക്കല്‍ തുടങ്ങിയവയെക്കുറിച്ചുമുള്ള ചോദ്യങ്ങള്‍ നേരിടാന്‍ കഴിയാത്തതിനാലാണ് സമ്മേളനം വിളിച്ചുകൂട്ടാന്‍ സര്‍ക്കാര്‍ മടിക്കുന്നതെന്ന് കോണ്‍ഗ്രസ് കുറ്റപ്പെടുത്തിയിരുന്നു.

മോദി 'ബ്രഹ്മാവാണ്' അദ്ദഹമാണ് എല്ലാം സൃഷ്ടിക്കുന്നത്. പാര്‍ലമെന്റിന്റെ ശീതകാല സമ്മേളനം എന്നാരംഭിക്കുമെന്ന് അദ്ദേഹത്തിനു മാത്രമേ അറിയൂ - എന്ന് ഖാര്‍ഗേയും പരിഹാസവുമായെത്തിയിരുന്നു. എന്നാല്‍ പാര്‍ലമെന്‍റ് സമ്മേളനം ഉടന്‍ ആരംഭിക്കുമെന്നാണ് ജെയ്റ്റ്ലി മറുപടിയായി പറഞ്ഞത്.