24 മണിക്കൂറിനിടെ 49,881 കൊവിഡ് കേസുകൾ
രാജ്യത്ത് കഴിഞ്ഞ 24 മണിക്കൂറിനിടെ 49,881 കൊവിഡ് കേസുകളാണ് സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം 80,40,203. ആയി ഉയർന്നിരിക്കുകയാണ്. 6,03,687 ആക്ടീവ് കേസുകളാണ് നിലവിൽ രാജ്യത്തുള്ളത്. 73,15,989 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 56,480 പേരാണ് രോഗം ഭേദമായി ആശുപത്രി വിട്ടത്.
കൊവിഡ് മരണങ്ങൾ 1,20,527
രാജ്യത്ത് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്ത കൊവിഡ് മരണങ്ങളിൽ നേരിയ വർധനവ് ഉണ്ടായിട്ടുണ്ട്. കഴിഞ്ഞ 24 മണിക്കൂറിനിടെ 517 മരണമാണ് റിപ്പോര്‍ട്ട് ചെയ്തിരിക്കുന്നത്. ഇതോടെ രാജ്യത്തെ ആകെ കൊവിഡ് മരണങ്ങൾ 1,20,527 ആയി ഉയർന്നിരിക്കുകയാണ്. മുൻദിവസങ്ങളെ അപേക്ഷിച്ച് കഴിഞ്ഞ ഏതാനം ദിവസങ്ങളായി രാജ്യത്ത് റിപ്പോർട്ട് ചെയ്യുന്ന കൊവിഡ് മരണങ്ങളിലും കുറവ് അനുഭവപ്പെടുന്നുണ്ടെന്നത് ആശ്വാസകരമാണ്.
കൊവിഡ് കേസുകൾ
രാജ്യത്ത് കൊവിഡ് പരിശോധന 10,65,63,440
രാജ്യത്ത് കഴിഞ്ഞ 24 മണിക്കൂറിനിടെ 10,75,760 സാമ്പിളുകളാണ് പരിശോധിച്ചത്. ഇതോടെ ഇതുവരെ നടത്തിയ പരിശോധനകളുടെ എണ്ണം 10,65,63,440 ആയി ഉയർന്നെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് വ്യക്തമാക്കി. കഴിഞ്ഞദിവസം 10,66,786 പരിശോധനകൾ നടത്തിയപ്പോൾ 43,893 കൊവിഡ് കേസുകളായിരുന്നു റിപ്പോർട്ട് ചെയ്തത്.
കൊവിഡ് പരിശോധന
മഹാരാഷ്ട്രയിലെ കൊവിഡ് ബാധ
കഴിഞ്ഞ ദിവസങ്ങളിൽ കൊവിഡ് കേസുകൾ കുറഞ്ഞ് നിന്ന മഹാരാഷ്‌ട്രയിൽ കഴിഞ്ഞ 24 മണിക്കൂറിൽ കൊവിഡ് കേസുകൾ ഉയരുകയാണ് ഉണ്ടായത്. ഇന്നലെ 6,738 പുതിയ കൊവിഡ് കേസുകളും 91 മരണങ്ങളുമാണ് ഇവിടെ റിപ്പോർട്ട് ചെയ്തത്. ഈ മണിക്കൂറിൽ 8,430 പേർക്ക് രോഗമുക്തിയുണ്ടായി. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 16,60,766 ആയി ഉയർന്നു. 14,86,926 പേർക്ക് ഇതുവരെ രോഗമുക്തിയുണ്ടായി. 43,554 പേർക്കാണ് ഇതുവരെ ജീവൻ നഷ്‌ടമായത്. 1,29,746 സജീവ കേസുകളാണ് സംസ്ഥാനത്തുള്ളത്.