മാളിന് മുകളില്‍ നിന്നും ചാടി യുവതി ആത്മഹത്യ ചെയ്തു

നോയിഡ: കാമുകന്‍ തന്നെ അവഗണിക്കുന്നതിനെ തുടർന്നുണ്ടായ പ്രണയ നെെരാശ്യം മൂലം പെണ്‍കുട്ടി മാളിന് മുകളില്‍ നിന്നും ചാടി ആത്മഹത്യ ചെയ്തു. കാസ്‌കഞ്ച് സ്വദേശിയായ ശിവാനി (25)ആണ് ആത്മഹത്യ ചെയ്തത്. ഉത്തര്‍പ്രദേശിലെ നോയിഡയിൽ ദ ഗ്രേറ്റ് ഇന്ത്യ പ്ലേസ് മാളിലാണ് സംഭവം. 2 വര്‍ഷത്തോളമായി നീണ്ട പ്രണയത്തിനൊടുവിലാണ് കാമുകന് മറ്റൊരു പെൺകുട്ടിയുമായി അടുപ്പമുണ്ടെന്ന് ശിവാനി അറിഞ്ഞത്. ഇതാണ് ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം.

കാമുകന് തന്നോട് അകൽച്ചയുണ്ടെന്ന സംശയത്തെ തുട‍ർന്നാണ് ശിവാനി കാരണമന്വേഷിച്ചത്. ഇതോടെയാണ് നിരാശയിലായ ശിവാനി മാളിന് മുകളില്‍ നിന്നും ചാടി ആത്മഹത്യ ചെയ്തത്. യുവതി ധരിച്ചിരുന്ന വസ്ത്രത്തിൽ നിന്നും ആത്മഹത്യക്കുറിപ്പ് കണ്ടെത്തിയിട്ടുണ്ട്. തന്‍റെ കാമുകനുമായുള്ള പ്രശ്‌നമാണ് മരണകാരണമെന്ന് കുറിപ്പില്‍ വ്യക്തമാക്കിയിട്ടുമുണ്ട്. ശിവാനിയുടെ കാമുകനെതിരെ ആത്മഹത്യപ്രേരണകുറ്റത്തിന് കേസെടുക്കുമെന്ന് പൊലീസ് പറ‌‌ഞ്ഞു.