യുവതി കാട്ടില്‍ ഇരട്ടക്കുട്ടികള്‍ക്ക് ജന്‍മം നല്‍കി

മല്‍ക്കാംഗിരി : യുവതി കാട്ടില്‍ ഇരട്ടക്കുഞ്ഞുങ്ങള്‍ക്ക് ജന്‍മം നല്‍കി. ഒഡീഷയിലെ ഡലപാട്ടിഗുഡയിലാണ് സംഭവം.അന്യജാതിക്കാരനെ വിവാഹം ചെയ്തതിന്റെ പേരില്‍ ഗ്രാമവാസികള്‍ ഇവരെ സഹായിക്കാന്‍ കൂട്ടാക്കിയിരുന്നില്ല. ഗൗരി പൂജാരിയാണ് കാട്ടില്‍ ഇരട്ടക്കുട്ടികളെ പ്രസവിച്ചത്.അന്യജാതിക്കാരനും ട്രാക്ടര്‍ ഡ്രൈവറുമായ ട്രിലോചന്‍ പൂജാരിയെ വിവാഹം കഴിച്ചതിനെ തുടര്‍ന്നായിരുന്നു ഗ്രാമവാസികളുടെ നിസ്സഹകരണം.

യുവതിയെ ആശുപത്രിയിലെത്തിക്കാന്‍ ട്രിലോചന്‍ ഗ്രാമവാസികളുടെ സഹായം തേടിയെങ്കിലും ആരും കനിവ് കാട്ടിയില്ല. ഇതോടെ ഇവര്‍ ആശുപത്രിയിലേക്ക് നടന്നു. കാട്ടുവഴി താണ്ടിയാണ് ആശുപത്രിയിലെത്തേണ്ടത്.ഇതിനിടെ ഗൗരിക്ക് പ്രസവ വേദനയുണ്ടായി. അധികം വൈകാതെ യുവതി ഇരട്ടക്കുഞ്ഞുങ്ങള്‍ക്ക് ജന്‍മം നല്‍കി. തുടര്‍ന്ന് ഇതുവഴി വന്ന ചിലര്‍ അറിയിച്ചത് പ്രകാരം ആരോഗ്യ പ്രവര്‍ത്തകരെത്തി ഇവരെ ആശുപത്രിയില്‍ പ്രവേശിപ്പിച്ചു. വിവാഹം ചെയ്ത് മറ്റൊരു ഗ്രാമത്തില്‍ നിന്ന് വന്ന് ഡലപാട്ടിഗുഡയില്‍ താമസിക്കുകയായിരുന്നു ഇരുവരും. യുവതി കാട്ടില്‍ ഇരട്ടക്കുട്ടികള്‍ക്ക് ജന്‍മം നല്‍കി

Denied help, Odisha woman delivers twins in forest

Woman delivers twins in forest after being ostracised for marrying outside caste.