കൊൽക്കത്ത: ക്യാബിൻ ക്രൂവിൻ്റെ സഹായത്തോടെ വിമാന യാത്രയ്ക്കിടെ യുവതി കുഞ്ഞിന് ജന്മം നൽകി.
ദോഹയിൽ നിന്ന് ബാങ്കോക്കിലേക്ക് പറന്ന ഖത്തർ എയർവേസിൻ്റെ വിമാനത്തിലാണ് ഇരുപത്തിമൂന്നുകാരിയായ തായ്ലൻഡ് യുവതി പ്രസവിച്ചത്. കൊൽക്കത്തയിൽ അടിയന്തര ലാൻഡിങ് നടത്തിയ ശേഷം അമ്മയെയും കുഞ്ഞിനെയും ആശുപത്രിയിലേക്ക് മാറ്റി.
Also Read: പൗരത്വ നിയമം തുണച്ചു?; വാഗാ അതിർത്തിയിലൂടെ പാക് ഹിന്ദുക്കൾ കൂട്ടത്തോടെ ഇന്ത്യയിലേക്ക്
യുവതി വിമാനത്തിൽ പ്രസവിച്ചതോടെ ബാങ്കോക്കിലേക്ക് പറന്ന വിമാനം പുലർച്ചെ 03:09 ഓടെ കൊൽക്കത്തയിൽ അടിയന്തര ലാൻഡിങ് നടത്തുകയായിരുന്നു. പൈലർ അധികൃതരെ വിവരം അറിയിച്ചതോടെ ലാൻഡ് ചെയ്യാനുള്ള നിർദേശം കൊൽക്കത്ത വിമാനത്താവളം നൽകി. ഇതോടെയാണ് പുലർച്ചെ വിമാനം ലാൻഡ് ചെയ്തത്.
Also Read: 'മനുഷ്യര്ക്കുണ്ടോ ഇത്രയും സൗകര്യങ്ങള്?' ഉത്തരേന്ത്യയിലും വരുന്നു ഡോഗ് പാര്ക്ക്
കൊൽക്കത്തയിൽ വിമാനം ലാൻഡ് ചെയ്തതോടെ അമ്മയെയും കുഞ്ഞിനെയും ഉടൻ തന്നെ ആശുപത്രിയിലേക്ക് മാറ്റി. ഇരുവരും സുഖമായിരിക്കുന്നുവെന്ന് അധികൃതർ വ്യക്തമാക്കി. യുവതിയുടെ പേരുവിവരങ്ങൾ പുറത്തുവിട്ടിട്ടില്ല.