മുടി മുറിച്ചെന്ന് സംശയം: ഝാ‍ര്‍ഖണ്ഡില്‍ സ്ത്രീയെ തല്ലിക്കൊന്നു

റാഞ്ചി: പെണ്‍കുട്ടിയുടെ മുടി മുറിച്ചെന്ന് ആരോപിച്ചി ഝാര്‍ഖണ്ഡില്‍ നാട്ടുകാര്‍ സ്ത്രീയെ തല്ലിക്കൊന്നു. ഉത്തരേന്ത്യയിലെ വിവിധ ഭാഗങ്ങളില്‍ സ്ത്രീകളുടെ മുടി മുറിച്ചുമാറ്റുന്ന സംഭവം പതിവായതിനു പിന്നാലെ നടന്ന രണ്ടാമത്തെ കൊലപാതകമാണിത്.

രാധാനഗര്‍ ജില്ലയിലെ ഷാഹിബ്‍ഗഞ്ചിലാണ് സംഭവം നടന്നത്. ഒരു സ്ത്രീയും ഒൻപത് വയസുള്ള ബാലനും ഉള്‍പ്പെടെയുള്ള നാലംഗ ഭിക്ഷാടനസംഘത്തെയാണ് നാട്ടുകാര്‍ ആക്രമിച്ചത്. അടുത്തിടെ ഗ്രാമത്തിലെ ഒരു പെണ്‍കുട്ടിയുടെ മുടി മുറിക്കപ്പെട്ടിരുന്നു. ഇതിനുപിന്നില്‍ ഭിക്ഷാടനസംഘത്തിലെ സ്ത്രീ ആണെന്നാരോപിച്ചായിരുന്നു ആക്രമണം. ഇവര്‍ മന്ത്രവാദം നടത്തിയെന്നായിരുന്നു ആള്‍ക്കൂട്ടത്തിന്‍റെ ആരോപണം.

ആള്‍ക്കൂട്ടത്തിന്‍റെ ആക്രമണത്തില്‍ പരിക്കേറ്റ നാല്‍പ്പതിനോടടുത്ത് പ്രായമുള്ള സ്ത്രീ ആശുപത്രിയിലേക്ക് കൊണ്ടുപോകുന്ന വഴിയില്‍ മരിക്കുകയായിരുന്നു. ബാലനും ആക്രമണത്തില്‍ സാരമായി പരിക്കേറ്റിട്ടുണ്ട്. ഈ മാസം ആദ്യം സമാനമായ സംഭവത്തില്‍ ആഗ്രയില്‍ ഒരു വൃദ്ധ കൊല്ലപ്പെട്ടിരുന്നു.

Woman lynched in Jharkhand on suspicion of involvement in braid-chopping

Women have reported waking up to the sound of scissors, spotting black cats, and seeing ghosts and shadows. Some claimed they found portions of their hair chopped off.