ഭാര്യയും കാമുകനും ചേര്‍ന്ന് ഭര്‍ത്താവിനെ കൊന്ന് കെട്ടിത്തൂക്കി

ലുധിയാന: ഭാര്യയും കാമുകനും സുഹൃത്തുക്കളും ചേര്‍ന്ന് യുവാവിനെ കൊന്ന് മരത്തില്‍ കെട്ടിത്തൂക്കി. ലുധിയാനയിലെ റായ്‍കോട്ടിലാണ് സംഭവം. ഭാര്യയുടെ അവിഹിത ബന്ധം എതിര്‍ത്തതാണ് കൊലയ്‍ക്കു പിന്നിലുള്ള കാരണമെന്നാണ് പോലീസ് നിഗമനം.

ജഗ്‍പാല്‍ സിങ് (35) എന്ന യുവാവാണ് ബുധനാഴ്‍ച രാത്രിയില്‍ കൊല്ലപ്പെട്ടത്. സംഭവവുമായി ബന്ധപ്പെട്ട് ജ‍ഗ്‍പാലിന്‍റെ ഭാര്യ ഹര്‍ജിത് കൗര്‍, കാമുകന്‍ ദേവീന്ദര്‍ സിങ് ബിന്ദ, സുഹൃത്ത് സുര്‍ജിത് സിങ്, ജസ്‍വിന്ദര്‍ സിങ്, ജഗ്‍ദേവ് സിങ് എന്നിവര്‍ക്കെതിരെ പോലീസ് കേസെടുത്തു.

മദ്യബിസിനസുകാരനായി ജ‍ഗ്‍പാലുമായി കച്ചവടബന്ധമുണ്ടായിരുന്ന ദേവീന്ദര്‍ സിങ് വിവിധ ആവശ്യങ്ങള്‍ക്കായി ജഗ്‍പാലിന്‍റെ വീട് സന്ദര്‍ശിച്ചിരുന്നു. ഇങ്ങനെയാണ് ഹര്‍ജിത്തിനെ പരിചയപ്പെട്ടത്. പിന്നീട് ഇവര്‍ തമ്മില്‍ ഇഷ്‍ടത്തിലാവുകയായിരുന്നു. പിന്നീട് ജ‍ഗ്‍പാല്‍ ഇരുവരും തമ്മിലുള്ള ബന്ധം അറിയുകയും എതിര്‍ക്കുകയും ചെയ്‍തു.

തുടര്‍ന്ന് ജഗ്‍പാലിനെ വകവരുത്താന്‍ പദ്ധതിയിട്ട സംഘം ബുധനാഴ്‍ച കൊല നടത്തുകയായിരുന്നു. രാത്രിയില്‍ വീട്ടിലെത്തിയ ദേവീന്ദറും സുഹൃത്തുക്കളും ചേര്‍ന്ന് ജഗ്‍പാലിന്‍റെ കഴുത്തില്‍ കുരുക്കിട്ട് കൊന്നശേഷം അടുത്തുള്ള മരത്തില്‍ കെട്ടിത്തൂക്കുകയായിരുന്നു.

Woman, paramour kill husband, hang body from tree

A 35-year-old man was allegedly murdered by his wife and her paramour after he objected to her illicit relationship, at Bhaini Darera village in Raikot, about 50 kms from Ludhiana, on Wednesday night.