മുത്തലാഖില്‍നിന്ന് രക്ഷപെടാന്‍ ഹനുമാന് പൂജ ചെയ്‍ത് സ്ത്രീകള്‍

വാരാണസി: മുത്തലാഖില്‍നിന്ന് രക്ഷനേടാന്‍ ഹനുമാന് പൂജയുമായി മുസ്ലീം സ്ത്രീകള്‍. വാരാണസിയിലെ പ്രശസ്‍തമായ സങ്കട്‍മോചന്‍ ക്ഷേത്രത്തിലാണ് ബുധനാഴ്‍ച സ്ത്രീകള്‍ പൂജ ചെയ്‍തത്. ഹനുമാന്‍ ചാലീസ ചൊല്ലിക്കൊണ്ടാണ് തങ്ങളെ മുത്തലാഖില്‍നിന്ന് രക്ഷിക്കണമെന്ന് ഇവര്‍ ഹനുമാനോട് പ്രാര്‍ത്ഥിച്ചത്.

വാരാണസിയിലെ മുസ്ലീം മഹിളാ ഫൗണ്ടേഷന്‍ പ്രവര്‍ത്തകരാണ് ക്ഷേത്രത്തില്‍ പ്രാര്‍ത്ഥനയ്‍ക്ക് എത്തിയത്. ഉര്‍ദുവില്‍ എഴുതിയ ഹനുമാന്‍ ചാലീസ 100 തവണയാണ് ഇവര്‍ ഉരുവിട്ടത്.

സങ്കട്‍മോചന്‍ ക്ഷേത്രം വളരെ പ്രശസ്‍തമാണെന്നും അതിനാലാണ് ഹനുമാന്‍റെ അനുഗ്രഹം തേടാന്‍ തങ്ങള്‍ തീരുമാനിച്ചതെന്നും ഫൗണ്ടേഷന്‍ ദേശീയ പ്രസിഡന്‍റ് നസ്‍നീന്‍ അന്‍സാരി ടൈംസ് ഓഫ് ഇന്ത്യയോട് പറഞ്ഞു. ഹനുമാന്‍ ചാലീസ 100 തവണ ചൊല്ലുന്നവരുടെ ആഗ്രഹം സാധിക്കുമെന്ന് ഞങ്ങള്‍ കേട്ടിട്ടുണ്ട്. മുത്തലാഖ് ഇല്ലാതാക്കണം എന്നാണ് തങ്ങളെടു ആഗ്രഹം, നസ്‍നീന്‍ പറഞ്ഞു.

ആര്‍എസ്എസ് നേതാവ് ഇന്ദ്രേഷ് കുമാര്‍, പടല്‍പുരി മഠാധിപതി ബാബാ ബാലക് ദാസ് എന്നിവരും ഇവരോടൊപ്പമുണ്ടായിരുന്നു.

Women pray to Hanuman for reprieve from triple talaq

It was a prayer of a different kind at Varanasi's famed Sankatmochan temple on Wednesday.