CAA നടപ്പാക്കുന്നതിൽ നിന്നും പിന്നോട്ടില്ല: അമിത് ഷാ

ജോദ്പൂർ: പൗരത്വ നിയമ ഭേദഗതി ന്യൂനപക്ഷങ്ങൾക്കെതിരായുള്ള നിയമം അല്ലെന്ന് കേന്ദ്ര ആഭ്യന്തര മന്ത്രി അമിത് ഷാ. അതിനാൽ നിയമത്തിൽ നിന്നും പിന്നോട്ടില്ലെന്നും കേന്ദ്ര ആഭ്യന്തര മന്ത്രി ജോദ്പൂരിൽ നടന്ന റാലിയിൽ പറഞ്ഞു. ന്യൂനപക്ഷങ്ങളെ പ്രീണിപ്പിക്കുന്നതിനാണ് കോൺഗ്രസ് നിയമത്തിനെതിരെ പ്രതിഷേധിക്കുന്നത്. മറ്റ് പ്രതിപക്ഷ പാർട്ടികൾ വോട്ട് ബാങ്കിനുവേണ്ടിയാണ് പ്രതിഷേധിക്കുന്നതെന്നും അമിത് ഷാ ആരോപിച്ചു.

Also read: 'സകല പരിധികളും ലംഘിച്ചു, ഗവർണർ ബിജെപി സംസ്ഥാന അധ്യക്ഷൻ കളിക്കുന്നു'; സിപിഎം

"മമത ബാനർജി, സമാജ്‌വാദി പാർട്ടി, ബഹുജൻ സമാജ്‌വാദി പാർട്ടി, കോൺഗ്രസ് എന്നീ പാർട്ടികളാണ് പൗരത്വ നിയമ ഭേദഗതിക്കെതിരെ പ്രതിഷേധിക്കുന്നത്. അവർ തെറ്റായ വിവരം പ്രചരിപ്പിക്കുകയാണ്," അമിത് ഷാ പറഞ്ഞു. "നിങ്ങൾക്ക് ധൈര്യമുണ്ടെങ്കിൽ എന്നോട് സംവദിക്കൂ. അതല്ലെങ്കിൽ ഞാനത് ഇറ്റാലിയൻ ഭാഷയിലേക്ക് പരിഭാഷപ്പെടുത്തി തരാം. അപ്പോൾ നിങ്ങൾക്ക് വായിക്കാൻ കഴിഞ്ഞേക്കും," കേന്ദ്ര ആഭ്യന്തര മന്ത്രി പറഞ്ഞു.

Also read: നിങ്ങൾ ഇന്ത്യയുടെ പ്രധാനമന്ത്രിയാണോ പാകിസ്ഥാന്‍റെ അംബാസഡറാണോ?; മോദിയോട് മമത

കോൺഗ്രസ് നുണ പ്രചരിപ്പിക്കുകയാണ്. തെറ്റിദ്ധരിപ്പിക്കപ്പെട്ട യുവാക്കൾ തെരുവിൽ ഇറങ്ങി. എത്രത്തോളം നുണ പ്രചരിപ്പിക്കപ്പെട്ടുവെന്നത് ഞങ്ങൾ കാര്യമാക്കുന്നില്ല. ഞങ്ങൾ ന്യൂനപക്ഷങ്ങളിലേക്കും യുവാക്കളിലേക്കും യാഥാർത്ഥ്യം എത്തിക്കുമെന്നും അമിത് ഷാ പറഞ്ഞു.

Also read: 'ഭരണഘടന വായിക്കണം, സത്യം പറയണം'; ബിജെപിയ്ക്ക് കോണ്‍ഗ്രസിന്‍റെ വക 7 പുതുവത്സര പ്രതിജ്ഞകള്‍

കഴിഞ്ഞ മാസമാണ് മുസ്ലിങ്ങളെ ഒഴിവാക്കിയുള്ള പൗരത്വ നിയമ ഭേദഗതി പാസാക്കിയത്. ഇതിനു പിന്നാലെ വ്യാപക പ്രതിഷേധത്തിനാണ് രാജ്യം സാക്ഷ്യം വഹിച്ചത്. പ്രക്ഷോഭത്തെത്തുടർന്ന് 25 ആളുകളാണ് രാജ്യവ്യാപകമായി കൊല്ലപ്പെട്ടത്. ഇതിൽ ഭൂരിഭാഗവും ഉത്തർപ്രദേശിലാണ്. നിയമത്തിനെതിരെ പ്രതിഷേധിച്ച ജാമിയ മിലിയ അടക്കമുള്ള സർവ്വകലാശാലകളിലെ വിദ്യാർത്ഥികൾക്കെതിരെ ക്രൂരമായ അതിക്രമമാണ് പോലീസ് അഴിച്ചുവിട്ടത്.