ആദിവാസികളെ ആക്ഷേപിച്ചെന്നാരോപിച്ച് പുസ്‍തകത്തിന് വിലക്ക്

റാഞ്ചി: സാഹിത്യ അക്കാദമി പുരസ്‍കാരം ലഭിച്ച എഴുത്തുകാരന്‍ ഹന്‍സ്‍ദ സൊവ്വേന്ദ്ര ശേഖറിനെ ഝാര്‍ഖണ്ഡ് സര്‍ക്കാര്‍ സസ്‍പെന്‍ഡ് ചെയ്‍തു. ആരോഗ്യവകുപ്പില്‍ ഡോക്ടര്‍ ആണ് ശേഖര്‍.

'ആദിവാസിസ് വില്‍ നോട്ട് ഡാന്‍സ്' എന്ന ചെറുകഥാസമാഹാരം, അനുമതിയില്ലാതെ എഴുതി എന്ന് കാണിച്ചാണ് ശേഖറിനെ പുറത്താക്കിയത്. പുസ്തകം സംസ്ഥാനം നിരോധിക്കുകയും ചെയ്‍തു. ശാന്താള്‍ വിഭാഗത്തില്‍പ്പെടുന്ന ആദിവാസി സ്ത്രീകളെ മോശമായി ചിത്രീകരിക്കുന്നതാണ് ചെറുകഥയെന്നാണ് സര്‍ക്കാര്‍ പറയുന്നത്.

എന്നാല്‍ പുസ്തകം ആരെയും അധിക്ഷേപിക്കുന്നതല്ലെന്ന് ശേഖര്‍ വ്യക്തമാക്കി. പുസ്‍തകത്തില്‍ ഒരുമാറ്റവും വരുത്താന്‍ ഉദ്ദേശിക്കുന്നില്ല. അഭിപ്രായ പ്രകടനത്തിനുള്ള സ്വാതന്ത്ര്യത്തിന് മേലുള്ള കടന്നുകയറ്റമാകും അത്. താല്‍പര്യമില്ലാത്തവര്‍ പുസ്‍തകം വായിക്കരുത് - ശേഖര്‍ ടെലിഗ്രാഫ് ദിനപത്രത്തോട് പറഞ്ഞു.

ശാന്താള്‍ ആദിവാസി സമൂഹത്തില്‍ നിന്ന് തന്നെയാണ് ശേഖറും വരുന്നത്.

writer Hansda Sowvendra Shekhar suspended

Doctor and Sahitya Award-winning writer of the novel, The Mysterious Ailment of Rupi Baskey, Hansda Sowvendra Shekhar suspended from service by Jharkhand government.