ഗോവയില്‍ രണ്ടാമത്തെ കോണ്‍ഗ്രസ് എംഎല്‍എ പാര്‍ട്ടി വിട്ടു

പനാജി: ഗോവയിലെ കോണ്‍ഗ്രസ് എംഎല്‍എ ആയിരുന്ന വിശ്വജിത് റാണെ പാര്‍ട്ടി വിട്ട് മണിക്കൂറുകള്‍ക്കകം രണ്ടമതൊരു എംഎല്‍എ കൂടി രാജിവെച്ചു. സംസ്ഥാനത്തെ മുതിര്‍ന്ന കോണ്‍ഗ്രസ് നേതാവായി സാവിയോ റോ‍ഡ്രിഗസ് ആണ് രാജിവെച്ച രണ്ടാമത്തെ എംഎല്‍.

രാഹുല്‍ ഗാന്ധിയെ പാര്‍ട്ടി നേതാവായി തനിക്ക് അംഗീകരിക്കാനാവില്ലെന്ന് റോഡ്രിഗസ് വ്യക്തമാക്കി. കോണ്‍ഗ്രസ് വൈസ് പ്രസിഡന്‍റ് ഉത്തരവാദിത്തങ്ങള്‍ ഏറ്റെടുക്കുന്നില്ലെന്നും ദിഗ്‍വിജയ് സിങ്ങും ഗോവയില്‍ പാര്‍ട്ടിയുടെ പരാജയത്തിന് കാരണമാണെന്നും റോഡ്രിഗസ് ആരോപിച്ചു. സംസ്ഥാനത്തെ ഏറ്റവും വലിയ ഒറ്റക്കക്ഷി ആയിട്ടും സര്‍ക്കാര്‍ രൂപീകരിക്കാന്‍ പറ്റാത്തത് കോണ്‍ഗ്രസ് നേതാക്കന്മാരെ ചൊടിപ്പിച്ചിട്ടുണ്ട്.

ഗോവയില്‍ കോണ്‍ഗ്രസിന് സര്‍ക്കാര്‍ രൂപീകരിക്കാന്‍ കഴിയാഞ്ഞത് ദിഗ്‍വിജയ് സിങ്ങിന്‍റെ പിടിപ്പുകേടാണെന്ന് കഴിഞ്ഞ ദിവസം മുഖ്യമന്ത്രിയായി സ്ഥാനമേറ്റ ബിജെപി നേതാവ് മനോഹര്‍ പരീക്കറും അഭിപ്രായപ്പെട്ടിരുന്നു. ഗോവയില്‍ ഉല്ലസിക്കാനായി വന്നാല്‍ ഇങ്ങനെ സംഭവിക്കുമെന്നായിരുന്നു പരീക്കറുടെ പരിഹാസം.

കഴിഞ്ഞ ദിവസം രാജിവെച്ച വിശ്വജിത് റാണെ പാര്‍ട്ടി നേതൃത്വത്തിന്‍റെ അലംഭാവത്തില്‍ പ്രതിഷേധിച്ച് രാഹുല്‍ ഗാന്ധിക്ക് കത്തെഴുതിയിരുന്നു.

Yet another Congress MLA from Goa quits

A day after Congress Goa MLA Vishwajit Rane quit the party, another legislator, Savio Rodrigues, also resigned, saying he "can't accept Rahul Gandhi as my leader," Times Now reported today.