ആദിത്യനാഥിനെതിരെ ദലിത് എംപി മോദിയ്ക്കു പരാതി നല്‍കി

ന്യുഡല്‍ഹി: ആദിത്യനാഥ് സര്‍ക്കാരിനെതിരെ കടുത്ത ആരോപണവുമായി ബിജെപിയിലെ ദലിത് എംപി . യോഗി ആദിത്യനാഥ് തന്നെ അസഭ്യം പറഞ്ഞ് അധിക്ഷേപിച്ചെന്നു കാണിച്ച് യുപിയിലെ റോബർട്സ് ഗഞ്ചിൽനിന്നുള്ള ലോക്സഭാംഗമായ ഛോട്ടേ ലാൽ ആണ് മോദിയ്ക്ക് പരാതി നല്‍കിയിരിക്കുന്നത്.

രണ്ടുതവണ കൂടിക്കാഴ്ചയ്ക്കു പോയപ്പോഴും യോഗി ആദിത്യനാഥ് ‘അസഭ്യം പറയുകയും പുറത്താക്കുകയും’ ചെയ്തെന്നാണു പരാതി. കേന്ദ്ര സർക്കാരിനും ബിജെപിക്കും എതിരായി രാജ്യമാകെ ദലിത് പ്രക്ഷോഭം ശക്തമായിരിക്കെയാണു പാർട്ടി നേതാവു തന്നെ രംഗത്തെത്തിയിരിക്കുന്നത്.

സംസ്ഥാന സർക്കാരിൽനിന്നു വലിയ വിവേചനം നേരിടുന്നെന്നാണു പ്രധാനമന്ത്രിക്കു രേഖാമൂലം നൽകിയ പരാതിയിൽ ഛോട്ടാ ലാല്‍ ചൂണ്ടി കാണിക്കുന്നത്. തന്റെ മണ്ഡലത്തെയും ആവശ്യങ്ങളെയും സർക്കാർ പരിഗണിക്കുന്നില്ല. പാർട്ടി പോലും തന്റെ പരാതി കേൾക്കുന്നില്ലെന്ന് എംപി പരാതിയില്‍ പറയുന്നു.


.