അഖിലേഷിനും മുലായത്തിനുമുള്ള സുരക്ഷ വെട്ടിക്കുറച്ച് യുപി മുഖ്യൻ

ലഖ്‍നൗ: പ്രതിപക്ഷ നേതാക്കൾക്കുള്ള സുരക്ഷ വെട്ടി കുറച്ച് യുപി മുഖ്യമന്ത്രി യോഗി ആദിത്യനാഥ്. മുൻ മുഖ്യമന്ത്രി അഖിലേഷ് യാദവിനും മുലായം സിങ് യാദവിനും മായാവതിക്കുമുള്ള സുരക്ഷ കുറച്ചു. കൂടാതെ, എംപിമാരായ ഡിംപിൾ യാദവ്, രാം ഗോപാൽ യാദവ്, ശിവ്‍പാല്‍ യാദവ്, അസം ഖാൻ എന്നിവർക്കുള്ള സുരക്ഷയും പിൻവലിച്ചു.

എന്നാൽ, വിനയ് കത്യാർ അടക്കമുള്ള ബിജെപി നേതാക്കളുടെ സുരക്ഷ വർധിപ്പിച്ചു. വിനയ് കത്യാറിന് Z കാറ്റഗറി സുരക്ഷ അനുവദിക്കുകയും ചെയ്തു. ഇന്നലെ നടന്ന ഉയർന്ന ഉദ്യോഗസ്ഥരുടെ സമ്മേളനത്തിലാണ് പുതിയ തീരുമാനങ്ങൾ നിലവിൽ വന്നത്. വിഐപി സുരക്ഷ നൽകിയിരുന്ന 151 പേരിൽ 105 പേരുടെ സുരക്ഷ പിൻവലിച്ചു. 46 വിഐപികളുടെ സുരക്ഷ കുറക്കുകയും ചെയ്തു.

yogi cuts security cover for akhilesh, mulayam, maya

Yogi Adithyanath cuts down security for Akhilesh, Mulayam, Mayawathi and other VIPs