76 വ‍ർഷം ജീവിച്ചത് വായു മാത്രം ഭക്ഷിച്ച്! യോഗി പ്രഹ‍്‍ളാദ് ജാനി അന്തരിച്ചു

അഹമ്മദാബാദ്: ശ്വാസാഹാരി എന്നറിയപ്പെടുന്ന ഗുജറാത്തിലെ യോഗി പ്രഹ‍്‍ളാദ് ജാനി അന്തരിച്ചു. 76 വർഷത്തോളം വെള്ളമോ ഭക്ഷണമോ കഴിക്കാതെ വായു മാത്രം ഭക്ഷിച്ചാണ് ഇദ്ദേഹം ജീവിച്ചത്. ചൊവ്വാഴ്ച രാവിലെ ഗാന്ധിനഗറിലെ ചാരദയിൽ വെച്ചാണ് അദ്ദേഹം അന്തരിച്ചതെന്ന് ശിഷ്യൻമാരാണ് അറിയിച്ചത്. 90 വയസ്സായിരുന്നു.

വായു മാത്രം ഭക്ഷിച്ച് ജീവിക്കുന്ന യോഗിക്ക് ഗുജറാത്തിൽ ഏറെ അനുയായികളുണ്ട്. ഭക്ഷണമോ വെള്ളമോ ഭക്ഷിക്കാതെ അതിജീവിക്കുന്നുവെന്ന ജാനിയുടെ അവകാശവാദങ്ങൾ 2003 ലും 2010 ലും ശാസ്ത്രജ്ഞർ പരീക്ഷിച്ച് മനസ്സിലാക്കിയിട്ടുള്ളതാണ്. തനിക്ക് ഭക്ഷണമോ വെള്ളമോ ആവശ്യമില്ലെന്നും അംബാദേവിയുടെ അനുഗ്രഹത്താലാണ് ഇത് സാധിക്കുന്നത് എന്നുമാണ് അദ്ദേഹം പറഞ്ഞിരുന്നത്.

Also Read: ഭർത്താവ് ക്വാറൻറീനിൽ കഴിയവേ ഭാര്യ കാമുകനൊപ്പം ഒളിച്ചോടി!

ജാനിയുടെ മൃതദേഹം ബനസ്‌കന്ത ജില്ലയിലെ അംബാജി ക്ഷേത്രത്തിനടുത്തുള്ള അദ്ദേഹത്തിന്റെ ആശ്രമത്തിലേക്ക് കൊണ്ടുപോയി. മൃതദേഹം രണ്ട് ദിവസത്തേക്ക് ആശ്രമത്തിൽ പൊതുദർശനത്തിന് വെക്കും. അംബാദേവിയുടെ ഭക്തനായ അദ്ദേഹം എപ്പോഴും ചുവന്ന സാരിയാണ് ധരിച്ചിരുന്നത്. സ്ത്രീകളെപ്പോലെ വസ്ത്രം ധരിച്ചിരുന്നതിനാൽ അദ്ദേഹം ചുൻരിവാല മാതാജി എന്നും അറിയപ്പെടുന്നുണ്ട്.

Also Read: ഇന്ത്യയിൽ ഏറ്റവും കൂടുതൽ കൊവിഡ് കേസുകൾ ഉണ്ടാവാൻ പോവുന്നത് ജൂണിൽ ? കാരണങ്ങൾ ഇവയാണ്!

14ാം വയസ്സ് മുതലാണ് പ്രഹ‍്‍ളാദ് ജാനി ഭക്ഷണം കഴിക്കാതെ ജീവിക്കാൻ തുടങ്ങിയത്. ഗുഹ പോലുള്ള ഒരു ആശ്രമത്തിലായിരുന്നു ഇദ്ദേഹത്തിൻെറ ജീവിതം. യോഗിയുടെ ജീവിതവുമായി ബന്ധപ്പെട്ട് നിരവധി ശാസ്ത്രീയ പഠനങ്ങൾ നടക്കുകയും ഇദ്ദേഹം വായു മാത്രം കഴിച്ചാണ് ജീവിക്കുന്നതെന്ന് തെളിഞ്ഞിട്ടുമുള്ളതാണ്.