യോഗിയിലൂടെ മോദി ഹിന്ദു രാഷ്ട്രത്തിനു തുടക്കമിടുന്നതായി നരിമാന്‍

ന്യൂഡല്‍ഹി: പ്രധാനമന്ത്രി നരേന്ദ്രമോദിക്കെതിരെ ആഞ്ഞടിച്ച് നിയമവിദഗ്ദനും മുതിര്‍ന്ന അഭിഭാഷകനുമായ ഫാലി നരിമാന്‍. യോഗി ആദിത്യനാഥിനെ ഉത്തര്‍പ്രദേശ് മുഖ്യമന്ത്രിയാക്കിയ ബിജെപി നേതൃത്വത്തിന്റെ തീരുമാനത്തെ ചോദ്യം ചെയ്തുകൊണ്ടാണ് അദ്ദേഹം രംഗത്തെത്തിയത്. ഇത് ഹിന്ദു രാഷ്ട്രത്തിന്റെ തുടക്കമാണോ എന്നാണ് മോദിയോട് നരിമാന്‍റെ ചോദ്യം.

പ്രധാനമന്ത്രി ഒരുപക്ഷെ ഇത് നിഷേധിച്ചേക്കാമെങ്കിലും മുഖ്യമന്ത്രിയായി ആ പ്രത്യേക വ്യക്തിയെ അവരോധിച്ചത് മത രാഷ്ട്രം പ്രചരിപ്പിക്കാന്‍ മോദി ആഗ്രഹിക്കുന്നു എന്നതിന്റെ സൂചനയാണെന്നാണ് താന്‍ കരുതുന്നതെന്നും നരിമാന്‍ വ്യക്തമാക്കി. എന്‍ഡിടിവിയ്കു നല്‍കിയ അഭിമുഖത്തിലാണ് നരിമാന്‍ ഇക്കാര്യം വ്യക്തമാക്കിയത്.

ഇന്ത്യന്‍ ഭരണഘടന ഭീഷണിയിലാണ്. ആദിത്യനാഥിനെ മുഖ്യമന്ത്രിയാക്കിയതിന് പിന്നിലുള്ള ഉദ്ദേശം രാഷ്ട്രീയ പാര്‍ട്ടികളുടെ വക്താക്കള്‍ക്ക് കാണാന്‍ കഴിയുന്നില്ലെങ്കില്‍ അവര്‍ തങ്ങളുടെ തലയും കണ്ണും പരിശോധിക്കണമെന്നും നരിമാന്‍ ആവശ്യപ്പെട്ടു. പ്രധാനമന്ത്രി പദത്തില്‍ മോദി ഊര്‍ജ്ജസ്വലനാണെങ്കിലും അദ്ദേഹത്തിന്റെ പല നയങ്ങളും തനിക്ക് സ്വീകാര്യമല്ലെന്നും നരിമാന്‍ പറഞ്ഞു.

Yogi's Appointment as UP CM Beginning of 'Hindu State': Fali Nariman

Eminent jurist Fali Nariman on Saturday raised questions over the appointment of Aditya Nath Yogi as the Uttar Pradesh chief minister, asking Prime Minister Narendra Modi "if it is the beginning of a Hindu state