വിവാഹം കഴിഞ്ഞ് മണിക്കൂറുകൾക്കുള്ളിൽ വധുവും വരനും അടക്കം 100 പേർ ക്വാറൻറീനിൽ!

ഭോപ്പാൽ: വിവാഹം കഴിഞ്ഞ് മണിക്കൂറുകൾ കഴിഞ്ഞപ്പോഴേക്കും വധുവും വരനും അടക്കം ചടങ്ങിൽ പങ്കെടുത്ത നൂറോളം പേർ ക്വാറൻറീനിൽ പോവേണ്ടി വന്നു. മധ്യപ്രദേശിലെ ഭോപ്പാലിലാണ് സംഭവം. വിവാഹ പാർട്ടിയിൽ പങ്കെടുത്തവരെ മൂന്ന് സംഘമായി തിരിച്ച് ചിന്ദ്വാരയിലെ ജില്ലാ ആശുപത്രിയിലുള്ള ഇൻസ്റ്റിറ്റ്യൂഷൻ ക്വാറൻറീനിൽ ആക്കുകയാണ് ചെയ്തത്.

വിവാഹത്തിൽ പങ്കെടുത്ത വധുവിൻെറ ബന്ധുവിന് കൊവിഡ് 19 സ്ഥിരീകരിച്ചതോടെയാണ് മുഴുവൻ പേരും ക്വാറൻറീനിൽ പോവേണ്ടി വന്നത്. സിഐഎസ്എഫ് ജീവനക്കാരനായ ഇദ്ദേഹത്തിന് വിവാഹ ദിവസമായ ചൊവ്വാഴ്ചയാണ് രോഗം സ്ഥിരീകരിച്ചത്.

ദിവസങ്ങൾക്ക് മുമ്പ് തന്നെ ഇദ്ദേഹത്തിന് കൊവിഡ് ലക്ഷണങ്ങൾ ഉണ്ടായിരുന്നു. എന്നാൽ ഇതൊന്നും വകവെക്കാതെ ചടങ്ങിൽ പങ്കെടുക്കുകയായിരുന്നു. വിവാഹത്തിന് ശേഷമാണ് കൊവിഡ് പോസിറ്റീവ് ആണെന്നറിഞ്ഞത്. ഇയാളുടെ സമ്പർക്ക പട്ടിക തയ്യാറാക്കി കൊണ്ടിരിക്കുകയാണ്.

Also Read: തൊഴിലാളികൾക്ക് നാട്ടിലെത്താൻ വിമാനടിക്കറ്റ് എടുത്ത് നൽകി ഡൽഹിയിലെ കർഷകൻ

ജില്ലാ അതിർത്തി കടന്ന് കഴിഞ്ഞയാഴ്ചയെത്തിയ ഇദ്ദേഹം നിരവധി ബന്ധുവീടുകളിലും മറ്റും സന്ദർശിച്ചിട്ടുണ്ട്. കൂടുതൽ അന്വേഷണത്തിന് ശേഷം പകർച്ചവ്യാധി നിരോധന നിയമപ്രകാരമുള്ള നടപടി ഉണ്ടാവുമെന്ന് ചിന്ദ്വാര കലക്ടർ സൗരഭ് സുമൻ പറഞ്ഞു.

Also Read: കൊവിഡിനെ തോൽപ്പിച്ച് എയ്ഡ്സ് ബാധിതനായ യുവാവ്; രോഗം മാറിയത് 6 ദിവസത്തിനുള്ളിൽ