മിഷേലിന് വേണ്ടി ഹാജരായ നേതാവിനെ യൂത്ത് കോൺഗ്രസ് പുറത്താക്കി

ന്യൂഡൽഹി: ക്രിസ്ത്യൻ മിഷേലിന് ജാമ്യം ലഭിക്കാനായി അഗസ്റ്റാ വെസ്റ്റിലാൻഡ് കേസിൽ ഹാജരായ യൂത്ത് കോൺഗ്രസ് നേതാവ് അൽജോ ജോസഫിനെ പാർട്ടിയിൽ നിന്ന് പുറത്താക്കി. യൂത്ത് കോൺഗ്രസ് ലീഗൽ സെൽ അംഗം കൂടിയാണ് അൽജോ ജോസഫ്. താൻ ജോലിയുടെ ഭാഗമായി മിഷേലിന് വേണ്ടി കോടതിയിൽ ഹാജരായതാണെന്നും ഇതിൽ രാഷ്ട്രീയമില്ലെന്നും അഭിഭാഷകനായ അൽജോ ഫേസ്ബുക് പോസ്റ്റിലൂടെ വ്യക്തമാക്കി.


അൽജോ കെ ജോസഫ് വ്യക്തിപരമായ തീരുമാനപ്രകാരമാണ് കോടതിയിൽ ഹാജരായതെന്നും ഇതിൽ യൂത്ത് കോൺഗ്രസ് പാർട്ടിക്ക് പങ്കില്ലെന്നും ഔദ്യോഗിക വക്താവ് അറിയിച്ചു. പാർട്ടിയോട് അൽജോ മിഷേലിന് വേണ്ടി ഹാജരാകുന്ന കാര്യം ചർച്ച ചെയ്തിട്ടില്ലെന്നും പാർട്ടി വക്താവ് അറിയിച്ചു. ക്രിസ്ത്യൻ മിഷേലിനെ ഇതിനിടെ അഞ്ച് ദിവസത്തേക്ക് സിബിഐ കസ്റ്റഡിയിൽ വിട്ടു. ഇന്റർപോൾ ദുബൈയിൽ വെച്ച് അറസ്റ്റ് ചെയ്ത് ക്രിസ്ത്യൻ മിഷേലിനെ ഇന്ത്യയിൽ എത്തിക്കുകയായിരുന്നു.