തിങ്കളാഴ്ച മുതല്‍ കൊച്ചിയില്‍ നിന്നും വിമാന സര്‍വ്വീസ്

കൊച്ചി: തിങ്കളാഴ്ച മുതല്‍ കൊച്ചിയില്‍ നിന്നും വിമാന സര്‍വ്വീസ്. കൊച്ചി നേവല്‍ ബേസ് ആസ്ഥാനത്ത് നിന്നുമാണ് വിമാനങ്ങള്‍ സര്‍വ്വീസ് നടത്തുന്നത്. ചെറുവിമാനങ്ങള്‍ മാത്രമാണ് ഇവിടെ നിന്നും സര്‍വ്വീസ് നടത്തുക.

ഓഗസ്റ്റ് 20 തിങ്കളാഴ്ച മുതലാണ് സര്‍വ്വീസ് ആരംഭിക്കുന്നത്. കൊച്ചി നേവൽ ബേസ് എയർപോർട്ടിൽ നിന്നും ബെംഗളുരുവിലേക്കും കോയമ്പത്തൂരിലേക്കും തിരിച്ചും വിമാന സർവീസ് ഉണ്ടാവും. കൊച്ചിയില്‍ നിന്ന് ബെംഗളൂരുവിലേക്കും തിരിച്ചും മൂന്ന് വീതം സര്‍വ്വീസുകളും കൊച്ചിയില്‍ നിന്ന് കോയമ്പത്തൂരിലേക്കും ബെംഗളൂരുവില്‍ നിന്ന് കോയമ്പത്തൂരിലേക്കും ഓരോ സര്‍വ്വീസ് വീതവുമാണ് ഉണ്ടാവുക. 70 പേര്‍ക്ക് യാത്ര ചെയ്യാവുന്ന ചെറുവിമാനങ്ങളാണ് സര്‍വ്വീസ് നടത്തുന്നത്.