സഹായത്തിനു പകരം സെക്സ് നൽകുന്ന കേരളത്തിലെ ആദ്യ കേസ്

സഹായത്തിനു പകരം ലൈംഗികത വാഗ്ദാനം ചെയ്യുന്ന കേരളത്തിലെ ആദ്യ കേസാണോ സോളാര്‍ കേസ് കൈക്കൂലിയായി സരിതയിൽ നിന്നും ലൈംഗികസുഖം നേടിയെന്ന ആരോപണത്തിന്മേലുള്ള കേസ് ഇത്തരത്തിലുള്ള ആദ്യത്തേതായിരിക്കുമെന്നാണ് നിയമവിദഗ്ധര്‍ ചൂണ്ടിക്കാണിക്കുന്നത്. കേസ് നിലനില്‍ക്കുമോ എന്ന സംശയം നിലനിൽക്കുന്നുണ്ടെങ്കിലും കേസ് കോടതിയിൽ മുന്നോട്ടു പോകുമെന്നാണ് ഭൂരിപക്ഷത്തിൻ്റെയും വിലയിരുത്തൽ

സ്ഥലംമാറ്റത്തിനും മറ്റുമായി ആളുകള്‍ ലൈംഗികസുഖം വാഗ്ദാനം ചെയ്തതായുള്ള ആരോപണങ്ങളും സാക്ഷിമൊഴികളുമൊക്കെ മുൻപും വന്നിട്ടുണ്ടെങ്കിലും അഴിമതി നിരോധനനിയമപ്രകാരം ഇത്തരമൊരു കേസ് രജിസ്റ്റര്‍ ചെയ്യുന്നത് ആദ്യമാണെന്ന് ഹൈക്കോര്‍ട്ട് അഭിഭാഷകൻ ബി രാമൻ പറയുന്നു.ഇത്തരമൊരു കേസ് അപൂര്‍വ്വമാണെന്നാണ് അദ്ദേഹത്തിൻ്റെ അഭിപ്രായം.

എന്തെങ്കിലും സഹായങ്ങള്‍ക്ക് പ്രതിഫലമായിട്ടാണ് ലൈംഗികസുഖം വാഗ്ദാനം ചെയ്തിട്ടുള്ളതെങ്കിൽ അത് അഴിമതിനിരോധനനിയമത്തിന്‍റെ പരിധിയിൽ വരുമെന്നാണ് വിലയിരുത്തൽ. പ്രതിഫലമായി ഔദ്യോഗികസ്ഥാനം ദുരുപയോഗം ചെയ്ത് സഹായങ്ങൾ ഒന്നും നല്‍കിയിട്ടില്ലെങ്കിൽ കേസ് നിലനില്‍ക്കില്ല. കൈക്കൂലിയായി പണത്തിനു പകരം ലൈംഗികസുഖവും വാഗ്ദാനം ചെയ്യാം. എന്നാൽ ഇത് ഉന്നയിച്ച് ആരും മുന്‍പോട്ടു വരാറില്ല. ചില കേസുകളിലൊക്കെ സാക്ഷിമൊഴികളിൽ ഇങ്ങനെ രേഖപ്പെടുത്തിയിട്ടുണ്ടെങ്കിലും ഇങ്ങനെയൊരു പരാതി ഇതുവരെ ആരും ഉന്നയിച്ചിട്ടില്ല. നിയമവിദഗ്ധര്‍ പറയുന്നു.

എന്നാൽ സാമ്പത്തികലാഭമില്ലാത്ത സഹായങ്ങൾ ലഭിക്കുന്നത് എങ്ങനെ സോളാര്‍ അഴിമതിയുടെ ഭാഗമാകുമെന്നും കമ്മീഷൻ്റെ കണ്ടെത്തലുകൾ സാമാന്യബുദ്ധിയ്ക്ക് നിരക്കാത്തതാണെന്നും യുഡിഎഫ് കാലത്ത് ഡയറക്ടര്‍ ജനറൽ ഓഫ് പ്രോസിക്യൂഷൻ ആയിരുന്ന ടി ആസിഫലി പറയുന്നു.

Solar case first in Kerala where accused receives sex as bribe

Legal experts point that solar scam case will be first of its kind where the complaint registered as UDF leaders received sex as bribe