കാസർകോട്: ബേഡഡുക്കയിൽ വിദ്യാർത്ഥിനിയെ വീട്ടിലെ കുളിമുറിയിൽ തൂങ്ങിമരിച്ച നിലയിൽ കണ്ടെത്തി. കുണ്ടംകുഴി ഗോപാലന്‍റെ മകൾ ആദിത്യ (12) യെയാണ് തൂങ്ങി മരിച്ച നിലയിൽ വൈകീട്ടോടെ കണ്ടെത്തിയത്.
കുണ്ടംകുഴി ഗവ ഹയർ സെക്കൻഡറി സ്കൂൾ ഏഴാംക്ലാസ് വിദ്യാത്ഥിനിയാണ് ആദിത്യ. സ്കൂളിൽ നിന്ന് വീട്ടിലെത്തിയ ശേഷമായിരുന്നു സംഭവം. വൈകീട്ട് 4.30 ന് വീട്ടിലെത്തിയ കുട്ടി കുളിക്കാനായി കുളിമുറിയിൽ കയറുകയായിരുന്നു. തിരിച്ചുവരാത്തതിനെത്തുർടന്ന് നടത്തിയ അന്വേഷണത്തിലാണ് തൂങ്ങിയ നിലയിൽ കണ്ടെത്തിയത്.
തോര്‍ത്ത് മുണ്ടില്‍ തൂങ്ങിയനിലയില്‍ കുട്ടിയെ കണ്ടെത്തിയതെന്നാണ് റിപ്പോർട്ടുകൾ. ബേഡകം പോലീസ് സ്ഥലത്തെത്തി തുടർനടപടികൾ സ്വീകരിച്ചു.