അമ്മ മനുഷ്യവിരുദ്ധം: എതിര്‍പ്പുമായി 14 നടിമാര്‍ കൂടി രംഗത്ത്

കൊച്ചി: നടൻ ദിലീപിനെ തിരിച്ചെടുത്തതിനുപിന്നാലെയ താരസംഘടനയായ അമ്മയുമായി ഉണ്ടായ നടിമാരുടെ പ്രശ്നങ്ങള്‍ ഒതുക്കി തീര്‍ക്കാനുള്ള നേതൃത്വത്തിന്‍റെ ശ്രമങ്ങള്‍ക്കിടെ സംഘടനയോടുള്ള എതിര്‍പ്പ് പരസ്യമായി പ്രകടിപ്പിച്ച് 14 നടിമാര്‍ കൂടി രംഗത്ത്. അമ്മയിൽ നിന്ന് രാജിവെച്ച 4 നടിമാര്‍ക്ക് പിന്തുണയുമായാണ് ഇവര്‍ രംഗത്തെത്തിയത്.

തുല്യവേതനം ഇല്ലാതിരിക്കേ അമ്മയിൽ അംഗത്വഫീസായി വാങ്ങുന്ന ഒരു ലക്ഷം രൂപ ജനാധിപത്യപരമല്ലെന്ന് നടിമാര്‍ ഫേസ്ബുക്ക് പോസ്റ്റിൽ ആരോപിച്ചു. അമ്മയുടേത് അപകടകരവും നിരുത്തരവാദപരവുമായ സമീപനമാണെന്നും ഇത്തരത്തിൽ മനുഷ്യവിരുദ്ധമായി നിലകൊള്ളുന്ന സംഘടനയുടെ ഭാഗമാകാനില്ലെന്നും ഇവര്‍ ഫേസ്ബുക്ക് പോസ്റ്റിൽ കുറിച്ചു. വിമൻ ഇൻ സിനിമ കളക്ടീവ് ഫേസ്ബുക്ക് പേജിലാണ് പോസ്റ്റ് പ്രത്യക്ഷപ്പെട്ടത്.

അഭിജ ശിവകല, അമല അക്കിനെനി, അർച്ചന പദ്മിനി, ദർശന രാജേന്ദ്രൻ, ദിവ്യ ഗോപിനാഥ്, ദിവ്യ പ്രഭ, ജോളി ചിറയത്ത്, കനി കുസൃതി, രഞ്ജിനി പിയർ, സജിത മഠത്തിൽ, സംയുക്ത നമ്പ്യാർ, ശാന്തി ബാലചന്ദ്രൻ, ഷൈലജ അമ്പു, സുജാത ജനനേത്രി എന്നിവരാണ് താരസംഘടനയോടുള്ള വിയോജിപ്പ് അറിയിച്ചത്. അമ്മയെ എഎംഎംഎ എന്നാണ് പോസ്റ്റിൽ വിശേഷിപ്പിച്ചിരിക്കുന്നത്.

ഫേസ്ബുക്ക് പോസ്റ്റിൻ്റെ പൂർണ്ണരൂപം: