2 Expats Shifted To Hospital After Found Covid- 19 Symptoms
ദുബായ്- കണ്ണൂര്‍ വിമാനത്തില്‍ രണ്ട് പേര്‍ക്ക് കൊവിഡ് രോഗലക്ഷണം; ആശുപത്രിയിലേക്ക് മാറ്റി
മെയ് 12 ന് പ്രവാസികളുമായി കണ്ണൂരില്‍ എത്തിയ ആദ്യ വിമാനത്തില്‍ രണ്ട് പേര്‍ക്കാണ് കൊവിഡ് രോഗലക്ഷണങ്ങള്‍ ഉണ്ടായിരുന്നത്. അതില്‍ ഒരാള്‍ക്ക് കൊവിഡ് സ്ഥിരീകരിച്ചിരുന്നു.
Samayam Malayalam18 May 2020, 9:23 am
കണ്ണൂര്‍: ദുബായിയില്‍ നിന്നും കണ്ണൂരിലെത്തിയ വിമാനത്തില്‍ രണ്ട് യാത്രക്കാര്‍ക്ക് കൊവിഡ് രോഗലക്ഷണങ്ങള്‍. കണ്ണൂര്‍, കാസര്‍കോട് സ്വദേശികള്‍ക്കാണ് പരിശോധനയില്‍ രോഗലക്ഷണം കണ്ടെത്തിയത്. ഇരുവരെയും അഞ്ചരക്കണ്ടിയിലെ പ്രത്യേക കൊവിഡ് കെയര്‍ ആശുപത്രിയിലേക്ക് മാറ്റി.
ഞായറാഴ്ച രാത്രി എത്തിയ വിമാനത്തില്‍ 181 യാത്രക്കാരാണ് ഉണ്ടായിരുന്നത്. ഇതില്‍ 127 പേര്‍ കണ്ണൂര്‍, 58 പേര്‍ കാസര്‍കോട് ജില്ലക്കാരാണ്. കോഴിക്കോട്, കൂര്‍ഗ് സ്വദേശികളും ഉണ്ടായിരുന്നു. മെയ് 12 നാണ് പ്രവാസികളുമായി കണ്ണൂരില്‍ ആദ്യ വിമാനം എത്തിയത്. അന്ന് രണ്ട് പേര്‍ക്കാണ് കൊവിഡ് രോഗലക്ഷണങ്ങള്‍ ഉണ്ടായിരുന്നത്. ഇതില്‍ ഒരാള്‍ക്ക് കൊവിഡ് സ്ഥിരീകരിച്ചത്.
ഞായറാഴ്ച രാത്രി ഗള്‍ഫില്‍ നിന്നും മൂന്ന് വിമാനങ്ങള്‍ കൂടി പ്രവാസി മലയാളികളുമായി നെടുമ്പാശ്ശേരിയില്‍ എത്തിയിട്ടുണ്ട്. ദുബായ്, അബുദാബി എന്നിവിടങ്ങളില്‍ നിന്നും എയര്‍ ഇന്ത്യ എക്‌സ്പ്രസ് വിമാനവും ബഹ്‌റൈനില്‍ നിന്നും ഗള്‍ഫ് എയര്‍ വിമാനവുമാണ് പ്രവാസികളുമായി എത്തിയത്. ദുബായ് വിമാനം 7.21 നും അബുദാബിയില്‍ നിന്നുള്ളത് 8.40 നും ബഹ്‌റൈനില്‍ നിന്ന് 6.45 നുമാണ് എത്തിയത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
