ടെസ്സയെപോലെ വീടുവിട്ടിറങ്ങി: 2 പെൺകുട്ടികളെ അറസ്റ്റ് ചെയ്തു

വൈപ്പിൻ: തൃശൂര്‍ പൂരം കാണാന്‍ ചാ‍ർലിയിലെ ടെസയെ പോലെ വീടു വിട്ടിറിങ്ങിയ രണ്ടു പെൺകുട്ടികളെ പോലീസ് അറസ്റ്റ് ചെയ്തു. 19 വയസ്സുള്ള ഐടിഐ വിദ്യാര്‍ത്ഥിനികളെയാണ് യാത്ര പൂര്‍ത്തിയാക്കുന്നതിനു മുമ്പേ പൊലീസ് അറസ്റ്റ് ചെയ്തത്. മൂന്നാറില്‍ ഒരു ദിവസം താമസിച്ച ശേഷം ആലുവയിലെത്തി അവിടെനിന്നും ട്രെയിനില്‍ തൃശൂര്‍ പൂരം കാണാന്‍ പോകാനായിരുന്നു തീരുമാനം.

എന്നാല്‍ പെണ്‍കുട്ടികളെ കാണാതായതിനെ തുടര്‍ന്ന് ബന്ധുക്കള്‍ എറണാകുളം നോര്‍ത്ത് സ്‌റ്റേഷനിലും ഞാറക്കല്‍ സ്റ്റേഷനിലും പരാതിയുമായെത്തി. അറസ്റ്റിലായവരില്‍ ഒരാള്‍ വൈപ്പിന്‍ മുരുക്കുംപാടം സ്വദേശിയും മറ്റെയാള്‍ എറണാകുളം പച്ചാളം സ്വദേശിയും ആണ്..ചോദ്യംചെയ്യലിനിടെ പെണ്‍കുട്ടികള്‍ പൊലീസിനോട് കാര്യങ്ങള്‍ പറഞ്ഞു. ചാര്‍ലി സിനിമയിലെ നായിക ടെസ്സയെപ്പോലെ നാടുചുറ്റാനിറങ്ങി എന്നാണ് പെണ്‍കുട്ടികള്‍ പൊലീസിനോട് പറഞ്ഞത്.ഒരുമിച്ച് യാത്ര ചെയ്ത, പ്രായപൂര്‍ത്തിയായ രണ്ട് പെണ്‍കുട്ടികളെ അറസ്റ്റ് ചെയതത് എന്തടിസ്ഥാനത്തിലാണെന്ന് പോലീസ് വ്യക്തമാക്കുന്നില്ല.




2 young girls reported missing at Vypin, Police Arrested them