ഈ വര്‍ഷം എസ്എസ്എല്‍സി പരീക്ഷ മാര്‍ച്ച് ഒടുവില്‍

തിരുവനന്തപുരം: മുന്‍ വര്‍ഷങ്ങളില്‍ നിന്നും വ്യത്യസ്തമായി ഈ വര്‍ഷത്തെ എസ്എസ്എല്‍സി പരീക്ഷ മാര്‍ച്ച് അവസാനമേ ഉണ്ടാകാനിടയുള്ളൂവെന്ന് റിപ്പോര്‍ട്ട്. വേണ്ടത്ര അധ്യയനദിവസങ്ങള്‍ കിട്ടാത്തതിനാലാണ് പരീക്ഷ മാര്‍ച്ച് ഒടുവിലേക്കു നീട്ടുവാനുളള തീരുമാനമെന്നാണ് സൂചന.

മാര്‍ച്ച് അവസാനത്തോടെ ആരംഭിച്ച് ഏപ്രില്‍ 10ന് തീരുന്ന രീതിയിലായിരിക്കും എസ്എസ്എല്‍സി പരീക്ഷ നടത്തുകയെന്നാണ് വിവരം. ഇക്കാര്യത്തില്‍ അന്തിമതീരുമാനമെടുക്കാന്‍ നാളെ ഡിപിഐയുടെ അധ്യക്ഷതയില്‍ യോഗം ചേരും

മഴക്കെടുതിയുടെ സാഹചര്യത്തില്‍ നിരവധി അധ്യയനദിവസങ്ങള്‍ നഷ്ടമായതിന്റെ പശ്ചാത്തലത്തിലാണ് പരീക്ഷാദിവസങ്ങള്‍ മാര്‍ച്ച് അവസാനത്തേക്ക് മാറ്റുന്നത്.