നിരോധനം ലംഘിച്ച് പ്രാര്‍ഥന: ഈരാറ്റുപേട്ടയില്‍ 24 പേരും പത്തനംതിട്ടയില്‍ 10 പേരും അറസ്റ്റില്‍

കോട്ടയം: ലോക്ക് ഡൗണ്‍ ലംഘിച്ച് സംസ്ഥാനത്ത് വിവിധയിടങ്ങളില്‍ അറസ്റ്റുകള്‍ രേഖപ്പെടുത്തി. നിരോധനം ലംഘിച്ച് പ്രാര്‍ഥന സംഘടിപ്പിച്ച 24 പേര്‍ ഈരാറ്റുപേട്ടയില്‍ അറസ്റ്റിലായി. ഈരാറ്റുപേട്ട നടയ്ക്കല്‍ തന്മയ സ്‌കൂളില്‍ നിന്നാണ് ഇവരെ അറസ്റ്റു ചെയ്തത്.

സ്‌കൂള്‍ പ്രിന്‍സിപ്പല്‍, മാനേജര്‍ എന്നിവരെ കസ്റ്റഡിയിലെടുത്തു. ഇവരെ ഈരാറ്റുപേട്ട പോലീസ് സ്‌റ്റേഷനില്‍ എത്തിച്ചു. പത്തനംതിട്ടയില്‍ കുലശേഖരപേട്ടയില്‍ നിരോധനാജ്ഞ ലംഘിച്ച് വീട്ടില്‍ മതപരമായ പ്രാര്‍ഥന നടത്തിയതിനു 10 പേരെ പോലീസ് കസ്റ്റഡിയിലെടുത്തു. വെള്ളിയാഴ്ച പ്രാര്‍ഥനയാണെന്നാണ് ഇവരുടെ പ്രാഥമിക വിശദീകരണം.