അങ്കമാലിയിൽ ഒരു കുടുംബത്തിലെ മൂന്നുപേരെ വെട്ടിക്കൊലപ്പെടുത്തി

കൊച്ചി: അങ്കമാലിയ്ക്ക് സമീപം മൂക്കന്നൂരിൽ ഒരു കുടുംബത്തിലെ മൂന്നുപേരെ വെട്ടിക്കൊലപ്പെടുത്തി. എരപ്പ് അറക്കിൽ ശിവൻ, ഭാര്യ വത്സ, മകള്‍ സ്മിത എന്നിവരാണ് കൊല്ലപ്പെട്ടത്. ശിവൻ്റെ സഹോദനൻ ബാബുവാണ് കൊലയ്ക്കു പിന്നിലെന്ന പ്രാഥമിക നിഗമനത്തെത്തുടര്‍ന്ന് പോലീസ് ശിവനുവേണ്ടി തിരച്ചിൽ ആരംഭിച്ചു.

കുടുംബതര്‍ക്കമാണ് കൊലപാതകത്തിന് പിന്നിലെന്നാണ് നിഗമനം. കൊല്ലപ്പെട്ട സ്മിതയുടെ മക്കളിൽ ഒരാള്‍ക്കും വെട്ടേറ്റിട്ടുണ്ട്. വെട്ടേറ്റ കുട്ടിയെ ആശുപത്രിയിൽ പ്രവേശിപ്പിച്ചു.

വൈകിട്ട് 5.45ഓടെ ഇവരുടെ വീട്ടിൽ വെച്ചായിരുന്നു കൊലപാതകം. ശിവനും ബാബുവും തമ്മിൽ ദീര്‍ഘകാലമായി തര്‍ക്കമുണ്ടായിരുന്നതായി നാട്ടുകാര്‍ പറയുന്നു.

കൊലപാതകത്തിനു ശേഷം ബൈക്കിൽ രക്ഷപെട്ട ബാബു താൻ പോലീസിൽ കീഴടങ്ങാൻ പോകുന്നുവെന്ന് വിളിച്ചു പറഞ്ഞതായി നാട്ടുകാര്‍ പറഞ്ഞു.