ഇടമലയാറിൽ ജലനിരപ്പ് കുറഞ്ഞു; 3 ഷട്ടറുകള്‍ അടച്ചു

കൊച്ചി: ജലനിരപ്പ് പരമാവധി സംഭരണശേഷിയെക്കാള്‍ കുറഞ്ഞതോടെ ഇടമലയാര്‍ ഡാമിന്‍റെ മൂന്നു ഷട്ടറുകള്‍ അടച്ചു. 169 മീറ്റര്‍ പരമാവധി സംഭരണശേഷിയുള്ള ഡാമിൽ ഇപ്പോള്‍ 168.95 മീറ്റര്‍ വെള്ളമാണുള്ളത്.

ജലനിരപ്പ് താഴ്ന്നുതുടങ്ങിയതോടെ രാവിലെ ഏഴുമണിയോടെ മൂന്നാമത്തെ ഷട്ടറും അടച്ചു. ഉച്ചയോടെ ഒരു ഷട്ടര്‍ കൂടി അടയ്ക്കും.

ഇടമലയാറിലെ മൂന്ന് ഷട്ടറുകള്‍ തുറന്നു വിട്ടതിനെത്തുടര്‍ന്ന് പെരിയാറിലെ ജലനിരപ്പ് ഉയരുകയും നെടുമ്പാശ്ശേരി വിമാനത്താവളത്തിന്‍റെ പ്രവര്‍ത്തനം നിര്‍ത്തിവെയ്ക്കേണ്ടിവരികയും ചെയ്തിരുന്നു.

അഞ്ചു വര്‍ഷത്തിനു ശേഷമാണ് ഇടമലയാര്‍ ഡാം തുറന്നത് .37.5 മെഗാവാട്ട് വീതമുള്ള രണ്ട് ജനറേറ്ററുകളാണ് ഇവിടെ 24 മണിക്കൂറും പ്രവര്‍ത്തിക്കുന്നത്.