ജി വി രാജ സ്കൂളിൽ ഭക്ഷ്യവിഷബാധ: 32 പേര്‍ ആശുപത്രിയിൽ

തിരുവനന്തപുരം: ജി വി രാജ സ്പോര്‍ട്സ് സ്കൂളിലുണ്ടായ ഭക്ഷ്യവിഷബാധ അധികൃതര്‍ മറച്ചുവെച്ചെന്ന് റിപ്പോര്‍ട്ട്. ഗുരുതരമായ സംഭവം മറച്ചവെയ്ക്കാനായി കുട്ടികളെ പൂട്ടിയിട്ടെന്നും ഡോക്ടറെ സ്കൂളിലെത്തിച്ചാണ് ചികിത്സ നല്‍കിയതെന്നും മനോരമ ന്യൂസ് റിപ്പോര്‍ട്ട് ചെയ്തു.

ചാനൽ വാര്‍ത്തയെത്തുടര്‍ന്ന് സ്കൂളിലെ 32 വിദ്യാര്‍ഥികളെ ആശുപത്രിയിലേയ്ക്ക് മാറ്റി. ഇതിൽ രണ്ട് വിദ്യാര്‍ഥികള്‍ രക്തം ഛര്‍ദ്ദിച്ചിരുന്നു. മൊത്തം 60 വിദ്യാര്‍ഥികള്‍ അവശനിലയിലാണെന്നാണ് റിപ്പോര്‍ട്ട്. തങ്ങളെ വീട്ടിലേയ്ക്കോ ആശുപത്രിയിലേയ്ക്കോ മാറ്റണമെന്നും വിദ്യാര്‍ഥികള്‍ അവശനിലയിലാണെന്നും ഒരു വിദ്യാര്‍ഥി ആവശ്യപ്പെട്ടതായും ചാനല്‍ റിപ്പോര്‍ട്ട് ചെയ്തിട്ടുണ്ട്.