സംസ്ഥാനത്ത് രണ്ടിടത്ത് എടിഎം തകർത്തു: കവർന്നത് 35 ലക്ഷം

കൊച്ചി: സംസ്ഥാനത്ത് രണ്ടിടത്ത് എടിഎം കൗണ്ടറുകള്‍ തകര്‍ത്ത് പണം കവര്‍ന്നു. തൃശൂര്‍ കൊരട്ടിയിലും കൊച്ചി തൃപ്പൂണിത്തുറയിലുമാണ് എടിമ്മുകള്‍ തകര്‍ത്ത് മോഷണം നടത്തിയത്. ഇരുസംഭവങ്ങള്‍ക്ക് പിന്നിലും ഒരേ സംഘമാണെന്നും സംശയമുണ്ട്.

തൃപ്പൂണിത്തുറ ഇരുമ്പനത്തെ എസ്ബിഐ എടിഎം കൗണ്ടറിൽ നിന്ന് 25 ലക്ഷം രൂപയാണ് നഷ്ടപ്പെട്ടത്. തൃശ്ശൂരിൽ കൊരട്ടി സൗത്ത് ഇന്ത്യൻ ബാങ്ക് ശാഖയിൽ നിന്ന് 10 ലക്ഷം രൂപയും മോഷ്ടിക്കപ്പെട്ടു. ഗ്യാസ് കട്ടര്‍ ഉപയോഗിച്ച് ഭിത്തി തകര്‍ത്താണ് മോഷണം നടന്നത്. സിസിടിവി ക്യാമറകള്‍ സ്പ്രേ പെയിന്‍റ് ഉപയോഗിച്ച് മറച്ചിരുന്നു.

സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. സംഘത്തിൽ മൂന്ന് പേര്‍ ഉണ്ടാകാമെന്നും ഇവര്‍ എത്തിയത് ഒരു പിക്കപ്പ് വാനിലാണെന്നും സൂചനയുണ്ട്.