പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു; നാല് പേര്‍ അറസ്‌റ്റിൽ

പയ്യാവൂർ: പതിനാറുവയസുകാരിയെ പീഡിപ്പിച്ച കേസിൽ സൺഡേ സ്‌കൂൾ അധ്യാപകനടക്കം നാലുപേർ അറസ്‌റ്റിൽ. കാഞ്ഞിരക്കൊല്ലി സ്വദേശികളായ ഷിന്റോ, ജോസ്, അഷ്റഫ്, ബിനോയ് എന്നിവരെയാണ് പയ്യാവൂർ പോലീസ് അറസ്‌റ്റ് ചെയ്‌തത്.

പയ്യാവൂരിലെ ഒരു കോൺവെന്റിൽ താമസിക്കുകയായിരുന്ന പെൺകുട്ടിയാണ് പീഡനത്തിനിരയായത്. നാല് വർഷമായി പ്രതികൾ പെൺകുട്ടിയെ പീഡിപ്പിക്കുകയായിരുന്നെന്ന് പോലീസ് പറഞ്ഞു. ചൈൽഡ് ‌ലൈൻ പ്രവർത്തകർ വിവരമറിയിച്ചതിനെ തുടർന്നാണ് പോലീസ് ഇവരെ അറസ്‌റ്റ് ചെയ്‌തത്.

പിടിയിലായവരിൽ ഷിന്റോ പെൺകുട്ടിയുടെ ബന്ധുവും ബിനോയ് കോൺവെന്റിലെ മുൻ അധ്യാപകനുമാണ്.