ഗുളിക തൊണ്ടയിൽ കുടുങ്ങി നാലു വയസുകാരി മരിച്ചു

കോട്ടയം: കോട്ടയം ചിങ്ങവനത്ത് ഗുളിക തൊണ്ടയില്‍ കുടുങ്ങി നാലു വയസുകാരി മരിച്ചു. പരത്തുംപാറ രുത്തുംപാറ നടുവിലേപ്പറമ്പിൽ സ്കറിയയുടെയും റിന്റുവിന്റെയും മകള്‍ ഐലിന്‍ ആണു മരിച്ചത്. ചിങ്ങവനത്തിലുള്ള ബന്ധു വീട്ടിലായിരുന്നു സംഭവം.

ഗുളിക കുട്ടിയുടെ തൊണ്ടയിൽ കുടുങ്ങുകയായിരുന്നു. അസ്വസ്ഥത പ്രകടിപ്പിച്ച കുട്ടിയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പാച്ചിറ മാത ഇ.എം.എല്‍.പി. സ്കൂളിലെ എല്‍.കെ.ജി. വിദ്യാര്‍ത്ഥിനിയാണ്.