516 തൊഴിലാളുകളുമായി ഗുജറാത്തിൽ 40 ബോട്ടുകൾ എത്തി

തിരുവനന്തപുരം: ഓഖി ചുഴലിക്കാറ്റിനെ തുടർന്ന് കേരളതീരത്ത് നിന്ന് കാണാതായ 40 ബോട്ടുകൾ ഗുജറാത്ത് തീരത്ത് എത്തി. 516 മത്സ്യത്തൊഴിലാളികളാണ് ബോട്ടുകളിൽ ഉള്ളത്. കൊല്ലം, തിരുവനന്തപുരം, തമിഴ്‌നാട് മേഖലകളിൽ നിന്ന് മത്സ്യബന്ധനത്തിന് പോയവരാണ് ഈ തൊഴിലാളികൾ.

കോസ്റ്റ് ഗാർഡാണ് ഈ വിവരം കേരള സർക്കാരിനെ അറിയിച്ചത്. ബോട്ടുകളിലുള്ള മത്സ്യത്തൊഴിലാളികളുടെ പേര് വിവരങ്ങൾ ലഭ്യമായിട്ടില്ല. ഗുജറാത്തിലെ വേരാവലിലാണ് ബോട്ടുകൾ എത്തിയത്. ദുരന്തം നേരിടുന്നതിലും രക്ഷാപ്രവർത്തനം ഏകോപിപ്പിക്കുന്നതിലും സർക്കാർ പരാജയപ്പെട്ടു എന്ന ആരോപണം ശക്തമാകുന്നു. ദുരന്ത നിവാരണ സമിതി പിരിച്ചു വിടണമെന്ന് മത്സ്യത്തൊഴിലാളി യൂണിയൻ രാവിലെ നടത്തിയ പ്രതിഷേധ മാർച്ചിൽ ആവശ്യപ്പെട്ടു.