ആരോഗ്യമേഖലയില്‍ അനുവദിച്ചത്‌ 4200 പുതിയ തസ്‌തികകള്‍

തൃശ്ശൂര്‍: സര്‍ക്കാര്‍ അധികാരത്തില്‍ വന്നതിനുശേഷം 4200 പുതിയ തസ്‌തികകള്‍ പുതിയതായി അനുവദിച്ചിട്ടുണ്ടെന്നും തസ്‌തികകള്‍ അനുവദിക്കുന്നതില്‍ ആരോഗ്യമേഖലയ്‌ക്ക്‌ കൂടുതല്‍ പരിഗണ നനല്‍കണമെന്ന്‌ മുഖ്യമന്ത്രി ധനകാര്യമന്ത്രിക്ക്‌ നിര്‍ദ്ദേശം നല്‍കിയിട്ടുണ്ടെന്നും ആരോഗ്യ-സാമൂഹ്യനീതി വകുപ്പു മന്ത്രി കെ കെ ശൈലജ പറഞ്ഞു.

സംസ്ഥാനത്ത്‌ 152 പ്രൈമറി ഹെല്‍ത്‌ സെന്ററുകളെ ആധുനിക സൗകര്യങ്ങളുള്ള കുടുംബാരോഗ്യ കേന്ദ്രങ്ങള്‍ ആക്കി മാറ്റിയിട്ടുണ്ടെന്നും മന്ത്രി പറഞ്ഞു. എയിംസ്‌ അനുവദിക്കാമെന്ന വാഗ്‌ദാനത്തില്‍ കേന്ദ്രം പിന്മാറിയെന്നും മന്ത്രി അറിയിച്ചു.

മാള കെ. കരുണാകരന്‍ സ്‌മാരക കമ്യൂണിറ്റി ഹെല്‍ത്ത്‌ സെന്ററില്‍ പുതിയ ഒ.പി ബില്‍ഡിങ്ങിന്‍റെ ഉദ്‌ഘാടനം നിര്‍വ്വഹിച്ചുകൊണ്ട്‌ സംസാരിക്കുകയായിരുന്നു മന്ത്രി.