പ്രളയത്തിൽ മുങ്ങി കേരളം; മരണം 50 ആയി

കൊച്ചി: കനത്ത മഴയെത്തുടര്‍ന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും ഇന്നലെയും ഇന്നുമായി സംസ്ഥാനത്ത് മരണം 48 ആയി.

പാലക്കാട് നെന്മാറ ചേരുംകാട് ഉരുള്‍പൊട്ടലിൽ മൂന്ന് വീടുകള്‍ ഒലിച്ചുപോയി. ഇവിടെ ഏഴുപേര്‍ മരിച്ചു. മലപ്പുറം ഓടക്കയത്ത് ഉരുള്‍ പൊട്ടി രണ്ട് ആദിവാസികള്‍ മരിച്ചു

തൃശൂര്‍ ജില്ലയിൽ കുറാഞ്ചേരിയിൽ വ്യാഴാഴ്ച രാവിലെയുണ്ടായ ഉരുള്‍പൊട്ടലിൽ 8 പേരെ കാണാനില്ല. തൃശൂര്‍ പൂമലയിൽ വീട് തകര്‍ന്ന് 2 പേര്‍ മരിച്ചു. പാലക്കാടും മലപ്പുറത്തും മഴക്കെടുതിയിൽ ഓരോ ആളുകള്‍ വീതം മരിച്ചു.

പയ്യന്നൂര്‍ രാമന്തളി ഏറൻപുഴയിൽ മത്സ്യത്തൊഴിലാളി മരിച്ചു. മലപ്പുറം മുങ്ങേങാവിൽ തോണി മറിഞ്ഞ് ഒരു കുട്ടി മരിച്ചു. ഇവിടെ മൂന്നു പേരെ കാണാതായിട്ടുണ്ട്.

സംസ്ഥാനത്തിന്‍റെ വിവിധ ഭാഗങ്ങളിലായി നൂറുകണക്കിനാളുകള്‍ കുടുങ്ങിക്കിടക്കുകയാണ്.

(ചിത്രം: മാതൃഭൂമി)