കാക്കനാട്: നിപ ലക്ഷണമുള്ള അഞ്ചുപേർ കളമശ്ശേരി മെഡിക്കൽ കോളേജിലെ ഐസൊലേഷൻ വാർഡിലുള്ളതായി ആരോഗ്യ മന്ത്രി കെ കെ ശൈലജ. സ്വകാര്യ ആശുപത്രിയിൽ ചികിത്സയിലുള്ള യുവാവിന്റെ ആരോഗ്യനിലയിൽ മാറ്റമില്ലെന്നും അവർ പറഞ്ഞു. പ്രവർത്തനങ്ങൾ അവലോകനം ചെയ്ത് മുഖ്യമന്ത്രി ആവശ്യമായ നിർദ്ദേശങ്ങൾ നൽകുന്നുണ്ടെന്നും അവർ വ്യക്തമാക്കി. കേന്ദ്രസർക്കാർ സ്ഥിതിഗതികൾ വിലയിരുത്തി നിർദ്ദേശങ്ങൾ നൽകുന്നതായും മന്ത്രി ശൈലജ പറഞ്ഞു. കൂട്ടായ പ്രവർത്തനത്തിലൂടെയേ പ്രതിസന്ധി മറികടക്കാൻ കഴിയൂ എന്നും മന്ത്രി കൂട്ടിച്ചേർത്തു.
നിപയുമായി ബന്ധപ്പെട്ട് ആരെങ്കിലും വ്യാജ വാർത്ത പ്രചരിപ്പിച്ചാൽ അവർക്കെതിരെ കർശനമായ നടപടി സ്വീകരിക്കുമെന്ന് ജില്ലാ കളക്ടർ മുഹമ്മദ് സഫീറുള്ള വ്യക്തമാക്കി. രണ്ട് കേസുകൾ കണ്ടെത്തി തുടർ നടപടിക്കായുള്ള നിർദ്ദേശങ്ങൾ നൽകിയതായും കളക്ടർ പറഞ്ഞു.
നിപയുമായി ബന്ധപ്പെട്ട് ആരെങ്കിലും വ്യാജ വാർത്ത പ്രചരിപ്പിച്ചാൽ അവർക്കെതിരെ കർശനമായ നടപടി സ്വീകരിക്കുമെന്ന് ജില്ലാ കളക്ടർ മുഹമ്മദ് സഫീറുള്ള വ്യക്തമാക്കി. രണ്ട് കേസുകൾ കണ്ടെത്തി തുടർ നടപടിക്കായുള്ള നിർദ്ദേശങ്ങൾ നൽകിയതായും കളക്ടർ പറഞ്ഞു.