ആറംഗ മയക്കുമരുന്ന് സംഘം ആലപ്പുഴയില്‍ പിടിയിൽ

ആലപ്പുഴ: ആലപ്പുഴയിലെ സ്‌കൂൾ പരിസരത്തു നിന്ന് ആറ് പേരടങ്ങുന്ന മയക്കുമരുന്ന് സംഘം പിടിയിൽ. ആലപ്പുഴ നഗരത്തിൽ എക്സൈസ് കമ്മീഷണർ ചന്ദ്രപാലന്‍റെ നേതൃത്വത്തിൽ നടത്തിയ അന്വേഷണത്തിലാണ് സംഘം പിടിയിലായത്. നഗരത്തിലെ വാടക വീടായിരുന്നു ഇവരുടെ പ്രവർത്തനങ്ങളുടെ കേന്ദ്രം.

ഓൺലൈൻ വിപണനത്തിനുള്ള സാധനങ്ങൾ എത്തിക്കാൻ എന്ന പേരിലാണ് വീട് വാടകക്കെടുത്തിരുന്നത്. സംഘത്തലവനായ ബിനോയ്‍യാണ് മയക്കുമരുന്ന് കുത്തിവെക്കാന്‍ ഏവരെയും സഹായിച്ചിരുന്നത്. അയാളുടെ നേതൃത്വത്തിലാണ് സംഘം പ്രവർത്തിച്ചു വന്നത്. സമീപത്തെ സ്‌കൂൾ കുട്ടികൾക്കും ഇയാൾ മയക്കുമരുന്ന് എത്തിച്ചു കൊടുത്തെന്നാണ് ലഭിക്കുന്ന വിവരം. രഹസ്യ കാമറയും ഇവിടെ നിന്ന് കണ്ടെടുത്തിട്ടുണ്ട്. വീട് കേന്ദ്രികരിച്ച് അനാശാസ്യ പ്രവർത്തനങ്ങൾ നടന്നിട്ടുണ്ടോയെന്നും പോലീസ് അന്വേഷിക്കുന്നുണ്ട്.