സ്‌കൂള്‍ കലോത്സവം 'അടുത്ത കൊല്ലം കൊല്ലത്ത്'

അടുത്ത സംസ്ഥാന സ്‌കൂള്‍ കലോത്സവം കൊല്ലത്തു വച്ചു നടക്കും. അറുപത്തിയൊന്നാമത് സ്‌കൂള്‍ കലോത്സവം ആണ് കൊല്ലം ജില്ലയില്‍ വച്ച് നടക്കുക. കാസര്‍കോട് വച്ചു നടക്കുന്ന അറുപതാമത് കലോത്സവം അവസാനിക്കാന്‍ മണിക്കൂറുകള്‍ മാത്രമേ ബാക്കിയുള്ളു. കലാ മാമാങ്കത്തില്‍ പാലക്കാട്, കോഴിക്കോട്, കണ്ണൂര്‍ എന്നീ ജില്ലകള്‍ ഒന്നും രണ്ടും മൂന്നും സ്ഥാനത്ത് ഇഞ്ചോടിഞ്ച് പോരാട്ടത്തിലാണ്.

വൈകിട്ട് 3.30-ന് നടക്കുന്ന സമാപനച്ചടങ്ങിൽ ഔദ്യോഗിക പ്രഖ്യാപനം നടത്തും. നാടോടിനൃത്തം, മാര്‍ഗ്ഗംകളി, സ്‌കിറ്റ് എന്നിവ ഉള്‍പ്പെടെ അവസാന ദിനത്തില്‍ 14 മത്സരങ്ങളാണ് നടക്കുന്നത്. മന്ത്രി സി രവീന്ദ്രനാഥാണ് സമാപന സമ്മേളനത്തിന്റെ ഉദ്ഘാടന കര്‍മ്മം നിര്‍വഹിക്കുക. ചലച്ചിത്രതാരങ്ങളായ രമേഷ് പിഷാരടി, വിന്ദുജ മേനോന്‍ എന്നിവര്‍ മുഖ്യാതിഥികളാകും.