7 Expats Who Arrived Yesterday Found Covid- 19 Symptoms Shifted To Isolation
കേരളത്തില്‍ ഇന്നലെ എത്തിയ 7 പ്രവാസികള്‍ക്ക് കൊവിഡ് ലക്ഷണം; ഐസോലേഷനിലേക്ക് മാറ്റി
അബുദാബിയില്‍ നിന്ന് രണ്ടു കൈക്കുഞ്ഞുങ്ങള്‍ ഉള്‍പ്പെടെ 175 യാത്രക്കാരുമായാണ് എയര്‍ ഇന്ത്യ എക്‌സ്പ്രസ് വിമാനം നെടുമ്പാശ്ശേരിയിലെത്തിയത്. തൃശ്ശൂര്‍, എറണാകുളം ജില്ലകളില്‍ നിന്നുള്ളവരാണ് യാത്രക്കാരില്‍ അധികവും ഉണ്ടായിരുന്നത്.
Samayam Malayalam19 May 2020, 9:03 am
കൊച്ചി: കേരളത്തില്‍ ഇന്നലെ എത്തിയ പ്രവാസികളില്‍ ഏഴ് പേര്‍ക്ക് കൊവിഡ് രോഗലക്ഷണം. ഇതേതുടര്‍ന്ന്, ഇവരെ ഐസോലേഷനിലേക്ക് മാറ്റി. അബുദാബിയില്‍ നിന്ന് നെടുമ്പാശ്ശേരിയിലെത്തിയ ആറ് പേര്‍ക്കും ദോഹയില്‍ നിന്ന് കരിപ്പൂരിലെത്തിയ ഒരാള്‍ക്കുമാണ് രോഗലക്ഷണം കണ്ടെത്തിയത്.
നെടുമ്പാശ്ശേരിയിലെത്തിയവരെ കളമശ്ശേരി മെഡിക്കല്‍ കോളജിലേക്കും കരിപ്പൂരിലെത്തിയയാളെ കോഴിക്കോട് മെഡിക്കല്‍ കോളജിലേക്കുമാണ് മാറ്റിയത്. വൈദ്യ പരിശോധനയില്‍ രോഗബാധയുണ്ടെന്ന സംശയം തോന്നിയ 5 പേരെ അബുദാബി വിമാനത്താവളത്തില്‍ നിന്ന് തിരിച്ചയച്ചിരുന്നു.
അബുദാബിയില്‍ നിന്ന് രണ്ടു കൈക്കുഞ്ഞുങ്ങള്‍ ഉള്‍പ്പെടെ 175 യാത്രക്കാരുമായാണ് എയര്‍ ഇന്ത്യ എക്‌സ്പ്രസ് വിമാനം ഇന്നലെ രാത്രി 8.39 ന് നെടുമ്പാശ്ശേരിയിലെത്തിയത്. തൃശ്ശൂര്‍, എറണാകുളം ജില്ലകളില്‍ നിന്നുള്ളവരാണ് യാത്രക്കാരില്‍ അധികവും ഉണ്ടായിരുന്നത്. ഇന്ന് ദമാമില്‍ നിന്നും ക്വാലാലംപൂരില്‍ നിന്നുമുള്ള രണ്ട് വിമാനങ്ങള്‍ കൂടി കൊച്ചിയിലെത്തും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
