താമരശേരി ചുരത്തില്‍ കാറും ലോറിയും കൂട്ടിയിടിച്ച് ഏഴു വയസുകാരി മരിച്ചു; ആറ് പേർക്ക് പരിക്ക്

കോഴിക്കോട്: താമരശേരി ചുരത്തിലുണ്ടായ വാഹനാപകടത്തിൽ ഏഴ് വയസുകാരി മരിച്ചു. മൂന്ന് കുട്ടികൾ ഉൾപ്പെടെ ആറ് പേർക്ക് പരിക്കേറ്റു. എളോറ്റിൽ വട്ടോളി പനച്ചിക്കുന്ന് അസീസിൻ്റെ മകൾ നജ ഫാത്തിമയാണ് മരിച്ചത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

Also Read: 'കേന്ദ്ര ഏജൻസികളെ വിളിപ്പിച്ചത് മുഖ്യമന്ത്രി, ഇപ്പോൾ എന്തിനാണ് വേവലാതി'; വിമർശനവുമായി വി മുരളീധരൻ

അസീസ്(38), മക്കളായ ഫാത്തിമ സൻഹ(10), മുഹമ്മദ് ഇർഫാൻ(3), അസീസിൻ്റെ ഭാര്യ, സഹോദരൻ ഉണ്ണികുളം വള്ളിയോത്ത് കണ്ണാറപൊയിൽ ഷംസീർ(38), മകൾ നൈഫ ഫാത്തിമ(7) എന്നിവർക്കാണ് അപകടത്തി പരിക്കേറ്റത്. ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില സംബന്ധിച്ച വിവരങ്ങൾ ലഭ്യമായിട്ടില്ല.

Also Read: കാണാതായ ബിജെപി സ്ഥാനാർഥി തിരിച്ചെത്തി; ഹാജരായത് പോലീസ് സ്‌റ്റേഷനിൽ

തിങ്കളാഴ്‌ച രാവിലെ 11 മണിയോടെയാണ് അപകടം. വയനാട് ചുണ്ടയിൽ നിന്നും കാറിൽ സഞ്ചരിച്ച കുടുംബമാണ് അപകടത്തിപ്പെട്ടത്. ഇവർ സഞ്ചരിച്ച കാർ ചുരം കയറുകയായിരുന്ന ഒരു ലോറിയുമായി കൂട്ടിയിടിക്കുകയായിരുന്നു. അടിവാരത്തിന് മുകളില്‍ ചുരം ആരംഭിക്കുന്ന ഭാഗത്തായിരുന്നു അപകടമെന്നും ഏഷ്യാനെറ്റ് ഓൺലൈൻ റിപ്പോർട്ട് ചെയ്‌തു.