ഗൃഹനാഥൻ വില്ലേജ് ഓഫീസിന് തീയിട്ടു

കൊച്ചി: എറണാകുളം ആമ്പല്ലൂര്‍ വില്ലേജ് ഓഫീസിന് തീയിട്ടു. കാഞ്ഞിരമറ്റം സ്വദേശി രവി ചക്കാലപറമ്പിൽ എന്ന എഴുപതുകാരനാണ് ഓഫീസിന് തീയിട്ടത്. വില്ലേജ് ഓഫിറുടെ മുറിയിൽ പെട്രോളൊഴിച്ചാണ് തീയിട്ടത്.

ഓഫീസിലെ ഏതാനും ഫയലുകള്‍ കത്ത നശിച്ചെങ്കിലും ആര്‍ക്കും പരിക്കേറ്റിട്ടില്ല.

ഭൂമി റീസര്‍വേ ചെയ്യുന്നതുമായി ബന്ധപ്പെട്ട് രവി പല തവണ വില്ലേജ് ഓഫീസിൽ കയറിയിറങ്ങിയിരുന്നു. രവിയുടെ പക്കലുണ്ടായിരുന്ന പാടശേഖരത്തിന്‍റെ ഒരു ഭാഗം സര്‍ക്കാര്‍ ഭൂമിയാണെന്ന് വില്ലേജ് അധികൃതര്‍ കണ്ടെത്തിയിരുന്നു.

തുടര്‍ന്ന് ഇന്നു രാവിലെ ഓഫീസിലെത്തി ഫയലുകള്‍ക്ക് തീയിടുകയായിരുന്നു. സംഭവത്തിനു ശേഷം ഇയാളുടെ മക്കള്‍ തന്നെ ഇയാളെ പോലീസിനു മുന്നിൽ ഹാജരാക്കി.