കൊച്ചി: ശബരിമല ഹർത്താലുമായി ബന്ധപ്പെട്ട് എടുത്ത കേസുകളുടെയും അക്രമ സംഭവങ്ങളുടെയും വിശദവിവരങ്ങൾ സർക്കാർ ഹൈക്കോടതിയിൽ ഹാജരാക്കി. ആകെ 990 കേസുകളാണ് എടുത്തിട്ടുള്ളത്. ഇതിൽ 32270 പ്രതികളുണ്ടെന്നും സർക്കാർ വ്യക്തമാക്കി. ശബരിമല കർമ്മസമിതി നടത്തിയ ഹർത്താലിനെതിരെയാണ് സർക്കാർ ഹൈക്കോടതിയിൽ റിപ്പോർട്ട് സമർപ്പിച്ചത്. ശബരിമല കർമസമിതി ഭാരവാഹികളായ ടി പി സെൻകുമാർ, കെ എസ് രാധാകൃഷ്ണൻ എന്നിവരിൽ നിന്ന് നഷ്ടം ഈടാക്കണമെന്നും സർക്കാർ നിർദ്ദേശം വെക്കുന്നുണ്ട്.
കോടികളുടെ നഷ്ടമാണ് ഹർത്താലിൽ ഉണ്ടായ അക്രമ സംഭവങ്ങളിൽ സർക്കാരിന് ഉണ്ടായിട്ടുള്ളത്. മൂന്ന് കോടിയിലേറെ രൂപയുടെ നഷ്ടം കെ.എസ്.ആർ.ടി.സിക്ക് മാത്രം ഉണ്ടായിട്ടുണ്ട്. 150 പോലീസുകാരടക്കം മുന്നൂറിലധികം പേർക്ക് പരിക്കേറ്റുവെന്നും സർക്കാർ വ്യക്തമാക്കി.
കോടികളുടെ നഷ്ടമാണ് ഹർത്താലിൽ ഉണ്ടായ അക്രമ സംഭവങ്ങളിൽ സർക്കാരിന് ഉണ്ടായിട്ടുള്ളത്. മൂന്ന് കോടിയിലേറെ രൂപയുടെ നഷ്ടം കെ.എസ്.ആർ.ടി.സിക്ക് മാത്രം ഉണ്ടായിട്ടുണ്ട്. 150 പോലീസുകാരടക്കം മുന്നൂറിലധികം പേർക്ക് പരിക്കേറ്റുവെന്നും സർക്കാർ വ്യക്തമാക്കി.