എ.വിജയരാഘവന്‍ എല്‍ഡിഎഫ് കണ്‍വീനര്‍

തിരുവനന്തപുരം: സിപിഎം കേന്ദ്രകമ്മിറ്റി അംഗവും മുൻ രാജ്യസഭാംഗവുമായ വിജയരാഘവൻ സംസ്ഥാന എൽഡിഎഫ് കൺവീനറാകും. ഇന്ന് രാവിലെ ചേർന്ന സിപിഎം സംസ്ഥാന കമ്മിറ്റി യോഗത്തിൽ എടുത്ത തീരുമാനം എൽഡിഎഫ് യോഗത്തിന് ശേഷം പ്രഖ്യാപിക്കും.

ആരോഗ്യപ്രശ്‌നങ്ങളെ തുടർന്ന് കഴിഞ്ഞ 12 വർഷമായി കൺവീനർ സ്ഥാനത്ത് തുടർന്നു വന്ന വൈക്കം വിശ്വൻ സ്ഥാനം ഒഴിയണമെന്ന് അറിയിച്ചിരുന്നു. പാലോളി മുഹമ്മദ് കുട്ടി സ്ഥാനം ഒഴിഞ്ഞ ശേഷമാണ് വൈക്കം വിശ്വൻ കൺവീനർ സ്ഥാനത്തേക്ക് വന്നത്. മുൻ രാജ്യസഭാംഗം കൂടിയായ വിജയരാഘവൻ ലോക്‌സഭയിൽ പാലക്കാട് മണ്ഡലത്തെ പ്രതിനിധീകരിച്ചിട്ടുമുണ്ട്.