അഭയ കൊലക്കേസ്: വിടുതൽ ഹർജി നാളെ പരിഗണിക്കും

കൊച്ചി: സിസ്റ്റർ അഭയ കൊലക്കേസിൽ പ്രതികളുടെ വിടുതൽ ഹർജി സിബിഐ കോടതി നാളെ പരിഗണിക്കും. ഫാദർ തോമസ് എം കോട്ടൂർ, ഫാദർ പൂതൃക്കൈ, സിസ്റ്റർ സെഫി എന്നിവരാണ് വിടുതൽ ഹർജിക്ക് അപേക്ഷ നൽകിയത്. ഇന്ന് പരിഗണിക്കാനിരുന്ന ഹർജിയാണ് നാളത്തേക്ക് മാറ്റിയത്.

1992 ലാണ് കോട്ടയത്തെ പയസ് ടെന്‍ത് കോണ്‍വെന്‍റിലെ കിണറ്റിൽ സിസ്റ്റർ അഭയയെ കൊല്ലപ്പെട്ട നിലയിൽ കണ്ടെത്തിയത്. ആദ്യം ലോക്കൽ പോലീസ് അന്വേഷിച്ച കേസ് പിന്നീട് ക്രൈം ബ്രാഞ്ചും ശേഷം സിബിഐയും ഏറ്റെടുക്കുകയായിരുന്നു.