അഭയ കേസ്: പ്രതികള്‍ നല്‍കിയ ഹര്‍ജി തളളി

കൊച്ചി:അഭയകേസില്‍ വിചാരണ നാളെ തുടങ്ങാനിരിക്കെ നടപടിക്രമങ്ങള്‍ നിര്‍ത്തിവെക്കണമെന്ന് ആവശ്യപ്പെട്ട് പ്രതികള്‍ നല്‍കിയ ഹര്‍ജി ഹൈക്കോടതി തള്ളി. വിചാരണ സ്‌റ്റേ ചെയ്യേണ്ട സാഹചര്യമില്ലെന്ന് കോടതി വ്യക്തമാക്കി

കേസിൽ പ്രതികൾക്കുമേൽ കുറ്റം ചുമത്തിയിട്ടില്ലെന്നും വിചാരണ നിർത്തിവയ്ക്കേണ്ട സാഹചര്യമില്ലെന്നും സിബിഐ അഭിഭാഷകൻ ഹൈക്കോടതിയെ അറിയിച്ച സാഹചര്യത്തിലാണിത്. പ്രതികളായ ഫാദര്‍ തോമസ് കോട്ടൂരും സിസ്റ്റര്‍ സെഫിയുമാണ് ഹൈക്കോടതിയെ സമീപിച്ചത്. തങ്ങള്‍ക്കെതിരെയുള്ള സാക്ഷിമൊഴികള്‍ വിശ്വസനീയമല്ലെന്ന് പ്രതികള്‍ കോടതിയില്‍ വ്യക്തമാക്കി.

വിടുതല്‍ ഹര്‍ജി തള്ളിയ നടപടിക്കെതിരെയാണ് ഇരുവരും കോടതിയെ സമീപിച്ചത്. നാളെ വിചാരണ നടപടികള്‍ തുടങ്ങാനിരിക്കെയാണ് ഹൈക്കോടതിയെ സമീപിച്ചത്.എന്നാല്‍ ഹർജിയില്‍ അടുത്ത മാസം 9ന് വിശദമായ വാദം കേള്‍ക്കുമെന്നും നിലവിലെ സാഹചര്യത്തില്‍ വിചാരണ സ്റ്റേ ചെയ്യാനാവില്ലെന്നും ഹൈക്കോടതി വ്യക്തമാക്കുകയായിരുന്നു.