തൃപ്പൂണിത്തുറ: തൃപ്പൂണിത്തുറയ്ക്ക് സമീപം നടക്കാവ് ക്ഷേത്രത്തിൽ വെടിക്കെട്ടിനിടെ അപകടം. പടക്കങ്ങളിൽ ഒന്ന് ആളുകള്‍ക്ക് ഇടയിൽ വീണ് പൊട്ടി. സംഭവത്തിൽ 17 പേര്‍ക്ക് പരിക്കേറ്റു. ആരുടെയും പരിക്ക് ഗുരുതരമല്ല. അശ്രദ്ധമായി വെടിക്കെട്ട് നടത്തിയതിനെ തുടര്‍ന്നാണ് അപകടം ഉണ്ടായതെന്ന് ഉദയംപേരൂര്‍ പോലീസ് സമയം മലയാളത്തോട് പറഞ്ഞു.
Also Read: തൃപ്പൂണിത്തുറയിൽ ഒഴിവായത് വൻ ദുരന്തം!; അപകടത്തിനു കാരണം അശ്രദ്ധയെന്ന് പോലീസ്
വെടിക്കെട്ട് അശ്രദ്ധമായി കൈകാര്യം ചെയ്തതിനെ തുടര്‍ന്നാണ് അപകടം ഉണ്ടായതെന്ന് ഉദയംപേരൂര്‍ പോലീസ് പറഞ്ഞു. പടക്കം ആളുകളുടെ ഇടയിലേക്ക് തെറിച്ചുവീഴുകയായിരുന്നു. സംഭവത്തിൽ ഏകദേശം 17 പേര്‍ക്ക് പൊള്ളലേറ്റുവെന്നാണ് വിവരം. ഒരു സ്ത്രീയ്ക്ക് കാൽപാദത്തിൽ പൊള്ളൽ ഗുരുതരമാണ്. പരിക്കേറ്റവരെ കളമശേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചുവെന്നും ഉദയംപേരൂര്‍ പോലീസ് വ്യക്തമാക്കി. അതേസമയം ഫയര്‍ ഫോഴ്സ് സംഘം ക്ഷേത്രത്തിലുണ്ടെന്ന് തൃപ്പൂണുത്തറ ഫയര്‍ സ്റ്റേഷൻ അധികൃതര്‍ സമയം മലയാളത്തെ അറിയിച്ചു. നിലവിൽ ക്ഷേത്രത്തിലെ സ്ഥിതി ശാന്തമാണ്. തൃപ്പൂണിത്തുറ - വൈക്കം റോഡിൽ ഗതാഗത തടസമില്ല.
Also Read: നീരൊഴുക്ക് നഷ്ടപ്പെട്ട കൊച്ചിയിലെ കാരണക്കോടം തോടിൻ്റെ മുഖം മാറുന്നു