കെ.എം.ഷാജി എംഎൽഎ 25 ലക്ഷം കോഴ വാങ്ങിയെന്ന് ആരോപണം

കണ്ണൂർ: മുസ്ലിം ലീഗ് ഓഫീസ് നിർമാണത്തിന് കിട്ടേണ്ടിയിരുന്ന 25 ലക്ഷം രൂപ കെ.എം.ഷാജി എംഎൽഎ തട്ടിയെടുത്തെന്ന് ആരോപണം. മുസ്ലിം ലീഗ് നേതാവ് തന്നെയാണ് എംഎൽഎക്കെതിരെ ആരോപണവുമായി രംഗത്തെത്തിയത്.

അഴീക്കോട് സ്‌കൂളിന് ഹയർസെക്കണ്ടറി ബാച്ച് അനുവദിക്കുന്നതുമായി ബന്ധപ്പെട്ട് അഴിമതി നടന്നെന്നാണ് പഞ്ചായത്ത് സെക്രട്ടറി നൗഷാദ് പാർട്ടിക്ക് പരാതി നൽകിയത്. സ്‌കൂളിന് ലഭിച്ച ഹയര്സെക്കണ്ടറിക്ക് പകരമായി മാനേജ്‍മെന്‍റ് പാർട്ടി ഓഫീസ് നിർമാണത്തിന് 25 ലക്ഷം രൂപ നൽകാമെന്ന് സമംത്തിച്ചിരുനന്തയി കത്തിൽ പറയുന്നു. എന്നാൽ കെ.എം .ഷാജി എംഎൽഎ ഇടപെട്ട് അത് സ്വന്തം പേരിൽ വാങ്ങിയെന്നും കത്തിൽ ആരോപിക്കുന്നു.

എന്നാൽ തനിക്കെതിരെ നടക്കുന്നത് വ്യാജപ്രചാരണമാണെന്ന് എംഎൽഎ പ്രതികരിച്ചു. പാർട്ടിയുൾപ്പടെ ആർക്കും പണം നൽകേണ്ടന്നാണ് താൻ പറഞ്ഞതെന്ന് എംഎൽഎ പറഞ്ഞു. തനിക്കെതിരെ വ്യാജ പ്രചാരണം നടത്തുന്നവർക്കെതിരെ എസ്‌പിക്ക് പരാതി നൽകുമെന്നും എംഎൽഎ അറിയിച്ചു.

Accusations against K M Shaji MLA

Strong accusations comes against K M Shaji MLA. Naushad complains that he earned 25 lakhs for higher secondary batch for school in Azhikode.