കൊച്ചി: നടിയെ ആക്രമിച്ച കേസിൽ നടൻ ദിലീപിൻ്റെ ജാമ്യാപേക്ഷ കോടതി ഇന്ന് പരിഗണിക്കും. ആദ്യ ജാമ്യഹർജി തള്ളിയ സാഹചര്യം ഇപ്പോൾ നിലനിൽക്കുന്നില്ല. ഈ സാഹചര്യത്തിൽ കൂടുതൽ ത
ടങ്കൽ ആവശ്യമില്ലെന്നും അതിനാൽ ജാമ്യം അനുവദിക്കണമെന്നും ആവശ്യപ്പെട്ടാണ് ദിലീപ് വീണ്ടും കോടതിയെ സമീപിക്കുന്നത്.
കേസിൽ തന്നെ അറസ്റ്റ് ചെയ്തതുമായി ബന്ധപ്പെട്ട് സംസ്ഥാന പൊലീസ് മേധാവിക്ക് നേരെ ആരോപണം ഉന്നയിക്കുന്ന ജാമ്യഹർജിയിൽ സിനിമാ, മാധ്യമ രംഗത്തെ ചിലർക്ക് എതിരെയും ആരോപണങ്ങൾ ഉന്നയിക്കുന്നുണ്ട്.
സിനിമയിലെ ചിലരുടെ ഗൂഡാലോചനയാണ് ഈ കേസ്. മാധ്യമങ്ങളെയും പൊലീസ് ഉദ്യോഗസ്ഥരെയും രാഷ്ട്രീയ നേതാക്കളെയും സ്വാധീനിക്കാൻ കഴിവുള്ള ചിലർ മാസങ്ങളോളം വ്യാജപ്രചാരണം നടത്തിയാണ് അറസ്റ്റിലേക്ക് എത്തിച്ചത്.
നടിയെ ആക്രമിച്ച കേസിലെ ഒന്നാംപ്രതി പൾസർ സുനിയെ ഒരിക്കൽ പോലും കാണുകയോ സംസാരിക്കുകയോ ചെയ്തിട്ടില്ലെന്നും ജാമ്യഹർജിയിൽ പറയുന്നു.
Dileeps bail plea will consider today
Actor Dileeps bail plea will consider today in actress attack case