കൊച്ചി: പിഞ്ചു കുഞ്ഞിൻ്റെ ജീവൻ രക്ഷിക്കാനായി വെറും അഞ്ചര മണിക്കൂര് കൊണ്ട് 400 കിലോമീറ്റര് എന്ന ദൗത്യം വിജയത്തലെത്തിച്ച ആംബുലൻസ് ഡ്രൈവർ ഹസൻ ദേളിക്ക് അഭിനന്ദന പ്രവാഹം. സിനിമാ താരം നിവിൻ പോളിയാണ് ഹസനെ അഭിനന്ദിച്ച് ഇപ്പോൾ രംഗത്തെത്തിയിരിക്കുന്നത്. 'അഞ്ചര മണിക്കൂറിനുള്ളില് 400 കിലോമീറ്റര്! ,ഹസൻ നിങ്ങളെൻ്റെ ഹീറോയാണ്. ഇന്ന് നിങ്ങള് ഒരു സാധാരണ മനുഷ്യനല്ല. നിങ്ങള് ഒരു മാലാഖയാണ്. നിങ്ങളുടെ മനുഷ്യത്വം നിറഞ്ഞ പ്രവൃത്തി എല്ലായിപ്പോഴും ഓര്മ്മയിലുണ്ടാകും. സഹോദരാ നിങ്ങള്ക്ക് എൻ്റെ ബിഗ് സല്യൂട്ട്' എന്ന കുറിപ്പുമായാണ് നിവിൻ പോളി തൻ്റെ ഫേസ്ബുക്കിലൂടെ രംഗത്തുവന്നിരിക്കുന്നത്.
കാസർഗോഡ് ഉദുമയിലെ മുക്കുന്നോത്ത് സ്വദേശിയായ ഹസൻ ദേളി സാഹസികതയ്ക്ക് വളയംപിടിക്കുന്നത് ഇത് രണ്ടാം തവണയാണ്. 2017 ഡിസംബർ 10ന് മംഗലാപുരത്തെ ആശുപത്രിയിൽനിന്നും തിരുവനന്തപുരത്തെ റീജിയണൽ ക്യാൻസർ സെന്ററിലേക്ക് കാസർഗോഡ് സ്വദേശിയായ രോഗിയെ എത്തിച്ചതായിരുന്നു ഹസൻ ഏറ്റെടുത്ത ആദ്യ സാഹസിക യാത്ര. അന്ന് എട്ട് മണിക്കൂറും 45 മിനിറ്റുമെടുത്താണ് ഹസൻ രോഗിയെ തിരുവനന്തപുരത്തെത്തിച്ചത്.
കാസർഗോഡ് ഉദുമയിലെ മുക്കുന്നോത്ത് സ്വദേശിയായ ഹസൻ ദേളി സാഹസികതയ്ക്ക് വളയംപിടിക്കുന്നത് ഇത് രണ്ടാം തവണയാണ്. 2017 ഡിസംബർ 10ന് മംഗലാപുരത്തെ ആശുപത്രിയിൽനിന്നും തിരുവനന്തപുരത്തെ റീജിയണൽ ക്യാൻസർ സെന്ററിലേക്ക് കാസർഗോഡ് സ്വദേശിയായ രോഗിയെ എത്തിച്ചതായിരുന്നു ഹസൻ ഏറ്റെടുത്ത ആദ്യ സാഹസിക യാത്ര. അന്ന് എട്ട് മണിക്കൂറും 45 മിനിറ്റുമെടുത്താണ് ഹസൻ രോഗിയെ തിരുവനന്തപുരത്തെത്തിച്ചത്.